NLUP avanga eizawnna ngelnghet nei ta tam tak an awm - Chief Minister

Chief Minister, Lal Thanhawla chuan State sawrkarin miharsa zawkte a ngaihsak \hin thu sawiin, NLUP avanga eizawnna ngelnghet nei ta tam tak an awm phah thu a sawi.
Nimin tlai a Lunglei Chanmari Hall hawnna khuallian nia a hmanpuina ah he thu hi sawiin Chief Minister, Lal Thanhawla chuan NLUP avanga Mizoram economy pawh India state dangte zinga economy \hang \ha ber state pali (4) zing ami a nih tak thu te a sawi a. NLUP hlawhtlinna belhchhahtu atan NEDP chu ruahman a nih thu pawh sawiin, \halaite eizawnna kawng zau zawka hawn a nih thu a sawi bawk. Chief Minister Lal Thanhawla chuan ram changkang tur chuan inkalpawhna \ha neih a \ul thu leh chumi atan chuan Mizoram chhim thleng lut thei tura Rel kawng ruahmanna siam a nih thu te sawiin, Kaladan Multi Modal Project zawhfel a nih hnu a insumdawntawnna \ha zawk leh lian zawk a awm tur thu a sawi a, chung hmasawnna in a ken tel vanneihna hmang \angkai thei tur chuan mitinin ram hmangaihna leh ram tana \hahnemngaihna nen \angrual tak chunga kan thawhho a pawimawh a ni, a ti.
Nimin a hawn tak Lunglei Chanmari Hall hi cheng nuai 496.19 senga PWD sak niin sum hi DoNER a\angin hmuh a ni a. January 2015 khan a sak hna hi \an niin hun engemaw chen chawlh lailawk a nih hnuah kumin August ni 7 khan sak puitlin a ni a. Ground Floor hi Basketball Court leh Badminton Court 3 a hman theih niin, mipui \hutna Gallery, Stage, Dressing Room leh Toilet dah a ni a. A zau zawng hi 1148 sq. metre a ni. He Hall hi Govt. P/S-II hmun a sak a nih avangin Sschool building \hiah tak chu sak kep a ni bawk.
Nimin a he Hall thar hawnna hun hi LAD Minister, PC. Lalthanliana leh PWD Minister, Lal Thanzara te pawhin hmanpuiin khawtlang tana \angkai tur Hall changtlung tak hawn a nih avanga khawtlang mipui an lawmawmpuina thu leh neitu rilru pu a enkawl zui zel turin kalkhawmte an chah a. He hun kaihruaitu Mizoram Youth Commission Chairman, Joseph Lalhimpuia chuan Mizoram sawrkarin MiYC kaltlanga \halaiten ngaihsan tlakte ngaihsan nachang an hriat a, chawimawi phu te chawimawi an nih nan Award siam a nih thu a sawi bawk.

Popular posts from this blog

PAN CARD an tih teh fo hi - Laldinpuia