Latest News

DC tello chuan Candidate siamlo turin ngen nawn

Saitual District Implementing Demand Committee (SDIDC) chuan tuna sawrkarna chelh mektu Congress Party chu DC tello chuan |awi bial-ah Candidate siamlo law law turin an ngen nawn.
Saitual District Function tura SDIDC in hma an lakna kal zelah nimin khan SDIDC hian thuchhuah siamin SDIDC ten an ngenna anga an Bialtu, R. Lalzirliana'n Home Minister lal \hutthleng a kalsan ngam chu ropui an tih thu leh thinlung taka an lawm thu an sawi a. Party a\anga hnawh-chhuah hial a tawk erawh pawi an tih thu leh an tawrhpui thu tarlangin, an thu dinglai angin Congress Party |awi East Block te chu Block a\anga Unit thlengin an seal te dah turin an ngen nawn leh tih an sawi a. Tun Term chhung hian District hi an hmu hmanlo a nih pawhin District an neih hma chu an kal zel dawn tih sawiin, “Kan thu dinglai angina tuna sawrkarna chelh mektu Congress Party hian DC tello chuan |awi bial-ah hian candidate rawn siamlo law law turin kan ngen nawn leh e,” an ti bawk.
SDIDC chuan tuna sawrkarna chelh mek ten Saitual District function hi an bat a ni tih hriattir lehin kum 44 chhung an lo nawr tawh thu te, tuna INC President, Rahul Gandhi leh Chief Minister zahawm tak ten District function an lo tiam tawh thu leh hmasawnna a kairual theih nan Aizawl District \henhrana Saitual District siam chu sawrkar tan thil tih makmawhah an ngaih thu an sawi bawk.

Comments

Popular News (Last 30 Days)