|anpuina leh chhawmdawlna tihtawp la tum zel

Tripura Bru Relief Camp 6-a awmte Mizoram-ah let duhlo mah se sawrkar laipui a\anga \anpuina leh chhawmdawlna pekte chu October chawlhkar hmasa ber a\anga tihtawp vek a ni dawn tih sawrkar laipuiin a sawi nawn.
Aizawl-a Civil Secretariat Conference Hall-ah tunkar Thawh\anni-a Union Home Ministry-a Joint Secretary, Satyandra Garg kaihhruaiin sawrkar officer te leh Bru hruaiten an sawiho a, he Meeting-ah hian Bru Relief Camp-a awm Mizoram mite an awmna tur hmun sawrkar in a ruata let thuai turin hriattir an ni a, ruahmanna chi hrang hrang siamsak an nih dan te pawh hrilhfiah an ni a, MBDPF hruaitute erawh chuan tunhma lama an thilphut la tihpuitlin loh te sawi chhuakin tun dinhmuna Mizoram-a kir an tan a harsat thu an sawi a, Home Department hotute erawh chuan tuna ruahmanna siam bak leh an ham\hatna leh \anpuina tur siam bak chu thildang engmah sawrkar laipuiin tihsak a tum loh thu an hrilh a ni.
Mizoram Principal Secretary Home changtu, Pu Lalnunmawia Chuaungo pawhin Tripura Bru Relief Camp-a Mizoram mi awmte chu Mizorama an lo haw hunah \anpuina leh chhawmdawlna an dawn theih tur chin bak pek theih an nih dawn loh thu te, Mizoram sawrkar chuan anmahni chu en hrang lova Mizoram chhunga cheng midangte ang bawka enkawl an nih dawn thu a hrilh a ni.

Popular posts from this blog

PAN CARD an tih teh fo hi - Laldinpuia