Hindi Diwas lawmna kharna Larsap in hmanpui

Border Roads Organisation (BRO) hnuaia Project Pushpak chuan chawlhkar hnih awh Hindi Diwas lawmna chu September 1 a\anga 14 chhung hian hmangin nimin khan a kharna an hmang a, he hun hi Mizoram Larsap, Kummanam Rajasekharan chuan khuallian niin a hmanpui a ni.

Rajat Auditorium, Zemabawk-a Hindi Diwas lawmna kharna inkhawm ah hian Larsap, Kummanam Rajasekharan Mizo mipui, a bikin naupangte’n he Hindi Diwas lawmna phur taka an chhim chu lawmawm a tih thu sawiin, sawrkar laipui pawhin ram chhung leh rampawna Hindi chawikawng tura hma a lo lak tawh dante a sawi a. Mahni ram \awng (National Language) - Hindi thiam chu inchhuanna tham a ngai tura chah in, hnamdangte nena kan inlaichhinna a ti \ha in, ramdanga lehkha kan zir emaw, hna kan zawn hunah thui takin min pui dawn a ni, a ti a. Project Pushpak ten Mizoram ramri-a inkalpawhna kawng siam hna bakah \hahnemngai taka Hindi chawikang tura hma an lakna chu fakawm a tih thu a sawi bawk.

Chawlhkar hnih chhung Hindi Diwas lawmna neih chhung hian Project Pushpak Headquarters-ah Essay inziahsiak leh inelna hrang hrang buatsaih a ni a. Nimin-a a kharna inkhawmah hian Hindi hmanga mipui hmaa thu in sawi thiamsiak buatsaih niin heng inelnaa ti\hate hnenah lawmman a hlan nghal a ni. Project Pushpak Chief Engineer, Brig. Birender Singh chuan tunhnaia Kerala rama tuilian tuarte \anpui nan sipaite thawhkhawm a\angin Larsap hnenah hian cheng nuai 1.5 cheque a hlan nghal bawk.