Mizoram-ah NEC-IPC Meeting hmasa ber nei

Mizoram-a a vawikhatna atan nimin khan North Eastern Council Project Identification Committee (NEC-IPC) leh Mizoram sawrkar department hrang hrang hotute \hutkhawm chu neih a ni.

Chief Secretary Conference Hall, New Secretariat Complex Aizawl-a North Eastern Council Project Identification Committee (NEC-PIC) leh Mizoram sawrkar department hrang hrang hotute \hutkhawm hi Chief Secretary, Arvind Ray chuan kaihruaiin NEC Secretary, Ram Muivah, IAS, Ministry of DoNER-a Secretary, Naveen Verma leh Joint Secretary, SN. Pradhan ten an telpui a, Lalrodingi, Adviser (Banking Industries & Tourism Sector) leh Joseph Lanah, Research Officer, Planning Sector, NEC ten an \awiawm bawk.

NEC-PIC member te leh Mizoram sawrkar department aiawhte hian Mizoram-a kum 2017-18 chhunga Project thar kalpui mek 13 te chungchang sawihona neiin Project changtu department \heuh a\angin hmalak tawhna leh hmalak zel dan tur tarlan a ni bawk.

NEC-PIC hi DoNOR Secretary kaihruaina hnuaia din niin NEC Secretary, hmarchhak State Chief Secretary leh Ministry aiawhte member an ni a, NEC project hrang hrangte tih hlawhtlinna kawngah thuneihna sang tak an nei a. Mizoram-ah NEC-PIC \hutkhawm hi a \umkhatna niin tunhnai khan Assam ah neih alo ni tawh bawk a ni.