A vawikhatna atan inthlan ah ETPBS hman a ni dawn
Kumin a Mizoram Assembly inthlanpui neih turah Election Commission of India duhdan angin a vawikhatna turin Electronically Transmitted Postal Ballot System (ETPBS) chu hman a ni dawn.
Hemi chungchanga sawrkar thuchhuah tarlan danin ETPBS hi Service Voters (Armed Forces) state pawna awmte tan ralkhat a\anga vote an thlak theihna tura a ruahman a ni a. Sipai hmunpuiah an Record Officer \heuh ten Service Voters Roll an kawl anga. Chu chu District tina District Election Officer (DC Office) nen online hmanga inzawmin, Username leh Password login hran an nei \heuh anga. Record Officer te pawh chutiang bawkin, midang tumahin an login sak theih loh tur a ni ang.
Inthlanpui chuh tura candidate(s) turte hming a chian (Inhnuhdawh theih hun tawp) veleh Mizoram-a Returning Officer ten Postal Ballot chu online in an thawn anga. Sipaite hmunpuia Record Officer \heuh ten lo print in sipaite hnenah an sem anga, an duhna zawnah an tick anga, chu chu envelope uluk taka siamsa ah thunin post (dak) pangngai ah anmahni Returning Officer, Mizoram-ah an thawn let ang.
He Service Voter Postal Ballot vote hi vote chhiar ni hma ngeiin Concerned Returning Officer Office a thleng tur a n ai. ECI chuan ETPBS hi hmun kilkhawr leh ramri dep a awm sipaite vote thlak huna Mizoram haw thei lo ten an awmna a\anga vote an thlak ve theih nan a ruahman sak a ni.
Comments
Post a Comment