Serchhip District-ah Electoral Roll tlangzarhin District pumah vote nei thei 49,283 an awm

Kumin January ni 1-a kum 18 tling chinte laa Electoral Roll Special Summary Revision vawi hnihnachu zawhfel niin nimin khan Final Electoral Roll chu tarchhuah a ni ta a. He Electoral Roll thar hi Mizoram Assembly inthlanpui lo awm tura hman tur niin Serchhip District pumah vote nei thei 49,283 an awm a ni.

Serchhip District tana Electoral Roll tlangzarhna hun hi Vawiin khan Serchhip District Election Officer, Sangchhin Chinzah hovin a Office Chamber-ah neih a ni a, he hun ah hian District Bawrhsap ni bawk, Sangchhin Chinzah chuan Electoral Roll thianghlim leh dik kan neih theih nan thawktuten nasa takin an bei tih sawiin, sawisel kai miah lo khawp chuan a lo fel tawklo pawh a ni thei chungin Final Electoral Roll 2018 an tlangzarh tak chu an chhuang hle tih a sawi a. Rilru thianghlim taka thawktuten an buatsaih a nih ang ngeiin Political party te pawhin rilru thianghlim tak puin lo hmang \angkai se a duh thu a sawi bawk.

Nimin a tlangzarh tak Serchhip District Electoral Roll thar a\anga a lan danin Serchhip District-ah hian Assembly Constituency pathum (3) awmin Polling Station 77 a awm a, District pumah hian Vote nei thei mi 49,283 awmin heng zinga 313 chu Service Voters a ni a, General Voters zawng zawng chu 48,970 neiin Vote nei thei zingah hian Mipa 23,916 leh Hmeichhia 25,054 awmin Serchhip District puma Vote nei thei zingah Mipa aia Hmeichhia an tamna hi 1138 a ni. Serchhip District chhunga Constituency pathum zinga Vote nei tamna ber 26-Serchhip A/C ah chuan Polling Station 23 awmin, Voters 17,941 an awma, an zinga 9,429 te hi hmeichhia niin mipa vote nei thei 8512 an awm thung a. Polling Station zingah 26/23 Neihloh-ah voters an tlem ber a, mi 205 an awm a, 26/4 Thenzawl IV-ah voters tam berin mi 1331 an awm thung.

27-Tuikum A/C-ah Polling Station 29 awmin Voters hi an vaiin 15,486 an awm a, an zinga 7790 hi hmeichhia niin mipa voters 7696 an awm bawk. Polling Station hrang hrang zingah 27/28 Vanchengte ah voters tlem berin mi 83 an awm a, 27/13 Chhingchhip I-ah voters tam berin mi 1014 an awm bawk. 28-Hrangturzo A/C-ah Polling Station 25 awmin voters awm zawng zawng hi 15,543 an ni a, an zinga 7835 te hi hmeichhia niin mipa 7708 an awm bawk. Polling Station zingah 28/20 Bawktlang-ah Voters tlem berin mi 215 an awm a, 28/22 N. Vanlaiphai I-ah voters tam berin mi 1025 an awm bawk a ni.

Election Commission of India ruahman angin Electoral Roll-a siam \hat ngai awm apiang siam \hat theihna hun (Continuous updation) neih zui leh tur a ni a. Siam \hat ngai emaw thun belh ngai neite tan mahni awmna BLO kaltlanga ngaihven zui theih a ni ang.

Serchhip-a Electoral Roll tlangzarh a nih hnu hian Electoral Roll tlangzarh tak Copy hi Recog-nised Political Party hrang hrangte leh Serchhip Sub-Hqrs. YMA kutah hlan nghal niin ERO, AERO leh BLO bakah DC Office-a Election Branch-ah te en theih a ni.