Home Minister R. Lalzirliana’n Chief Minister hnenah Minister a\anga banna a thehlut

Home Minister, R. Lalzirliana chuan nimin khan Chief Minister, Lal Thanhawla hnenah Home Minister a nihna a\anga banna a thehlut a. Congress Party a\ang erawh chuan ban a tumloh thu sawiin, he banna a thehluh hi Chief Minister nen an inkar vang a nih loh thu a sawi thung.

Congress Party hian an tih dan \hin pangngaiin nimin khan Aizawl-a Congress Bhavan-ah Political Session hun hmangin he hunah hian MPCC Vice President leh Home Minister nibawk, R. Lalzirliana chuan thusawiin, an party Disciplinary Action Committee in insawifiah tura a tihna chu chhan a tum loh thu leh, chhan chi ah pawh a ngaih loh thu sawiin, a bial mipuite a zahna avangin Home Minister a\anga banna a thehluh tur thu a puang a. R. Lalzirliana chuan, “Party-ah hian kan inpumkhat a \ul a, kan inpumkhat loh chuan \ha tak anga lang pawh kan tling lo thei a ni a tih hi in hre \hinin ka ring a, chutiang ang kawng chu kan zavaia kan zawh hi a \ul a, chutiang ang ni lo a, tute emaw nin riau neia hma kan la a nih chuan tam viau anga lang hi kan tla dup thei a ni,” a ti.

MPCC Vice President chuan Congress Party tana hma a lo lak tawhna hrang hrangte pawh sawiin, “Opposition ka nih laia ka entitlement ni miah lo venhimna sawrkarin min pekte kha ka sawi duh. Khatiang ang kha keimahni party huang chhunga in beihna ni lovin, kan beih turte chu pawnlam mi leh party kan tlin lehna tur atana \hahnem ngai taka kan beih tur a ni zawk. State-a ralmuang chhuang \hin mahila, a chhunga mite'n remna kan neih si lo chuan awmzia a awm lo,” tiin “Pathian lam\ang tih te kan sawi \hin a, mahse a lam \ang turin tinge kan pen chhuah si loh?” tiin Sawrkar siam leh turin party worker te \hahnem ngai taka \ang leh turin a chah bawk.

Home Minister chuan, “Hon'ble Home Minister min tih hi Vawiin hi a tawpna tur a ni ta a, party-ah chuan ban ka tum lo, mahse action min lak tum duh ngar ngarte in awm a nih chuan thuhran nise, Cabinet Minister a\anga ka banna chhan hi lungawi loh vang leh Chief Minister nena kan inkar vang a ni lo,” tiin a thusawi zawh rual hian Bhavan a chhuahsan nghal a, Chief Minister Office chu a pan nghal a ni.

Chief Minister hnena banna a thehluh ah hian R. Lalzirliana chuan ram leh hnam rawngbawlna ah a theih ang tawka thawk leh inhmangin a bial, |awi bial-ah pawh \um li 4 zet a zawna thlantlin a nih thu tarlangin, Chief Minister duhsakna zarah Cabinet Minister hiala dah a ni chu lawmawm a tih thu a tarlang a. Amaherawh chu a bial mipui ten an hun rei tak a\anga an lo beih tawh leh an duh ber pakhat District Hqrs. chu pein an function tir thei ta lo tih tarlangin, he District Hqrs. siamna hi sawrkar pawhin Notification meuh siama alo pek diam tawh a nih thu a tarlang a. Kan Budget tam tawh dan enin awlsam te-a function tir theih a ni tih pawh a lan reng thu pawh tarlangin, Chief Minister ngei pawhin fu-ke kim District pek an nih tur thu hi alo sawi tawh thu leh hetiang boruak hnuaiah chuan nihna pawimawh tak chelh chunga he sawrkar-a \hut ve reng chu tih chi nia-ah a hriat takloh thu leh a bial mipuite pawh an zahawm ta lutuk tih tarlangin, Cabinet Minister a nihna chu a bansan tih a hriattir a. Party-ah erawh chuan lungrual taka an thawhho zel a beisei thu a tarlang bawk.

R. Lalzirliana hian Bhavan-a a banna thu a sawi zawh velah Chief Minister's Office-ah banna lehkha thehlut nghalin, Chief Minister a awm loh avangin Chief Minister PS, Alex Chawngthu in a lo dawng a. Chief Mininsters Office-ah hian thuthar thehdarhtute a kawmna-ah zawhna chhangin R. Lalzirliana chuan Congress party a\anga a ban loh thu a sawi rualin Congress Party in District an pe thei lo a nih chuan Congress Party Ticket-a din a tum tawh loh thu a sawi thung.