Chief Minister in mihring hmanga sumdawnna dona kawngah tanrual ngai a tih thu a sawi

Chief Minister, Lal Thanhawla chuan mihring hmanga sumdawnna chu ram hmelma lian tak leh a do kawngah pawh \anrual ngai thil a nih thu a sawi.

Salvation Army India Eastern Territory hnuaia Community Health Action Network (CHAN) in mihring hmanga sumdawnna beihna atana inrawnkhawmna hun, State-Wise Consultation Meeting on Human Trafficking nimin-a Aijal Club-a an buatsaih a hmanpuina ah he thu sawiin Chief Minister, Lal Thanhawla chuan mihring hmanga sumdawnna chungchanga CHAN Salvation Army ten hma an lo lak tawhna chu fakawm a tih thu a sawi a. Retheihna te, awlai zawka sum hmuh duh avang te, thil chinchang hriatloh leh vanduaina hrang hrang avangin mihring hmanga sumdawnna a lut ta leh mahni laina hnai te pawh hralh an awm \hin thu sawiin, Mizoram pawh he sualna lakah hian a him loh thu a sawi a. India khawpui hmun hrang hranga Mizo Welfare te pawhin an lo buaipui fo tawh \hin thu te sawiin, inrawnkhawmna buatsaih chu thil \ul tak a ni, a ti a. Mizoram chu Asia chhimchhak ramte a hnaih zual avangin ruihhlo leh Dan phalloh thildang te lakluh a awlsamin, Human Trafficking kan tihte nen pawh inkaihhnawihna nei thei thil a nih thu a sawi a. Sawrkar pawhin heng thil do kawngah hian hma la in nasa taka a thawh \hin thu leh, chutih rual chuan tlawmngai pawl leh vantlang ang zawng pawha \angrual taka heng sualna hi kan do ho a \ul thu sawiin, he Meeting hian hmalak zelna atan thil \ha a thlen ngei a duhsak thu a sawi bawk.

He hun hi Major Lalliankunga, Project Director, CHAN-AHT (IET) chuan kaihruaiin, Human trafficking dona atan hian CHAN-AHT chuan 7Ps an tih mai, Prayer, Participation, Prevention, Protection, Policy leh Partnership chu chetlak na atana kaihruaitu ah a hman \hin thu a sawi bawk.

Kum 2005 a\ang khan Mizoram-ah Human Trafficking doletna hna hi \an a ni a. ‘India Eastern Territory Anti-Human Trafficking Project’ hi kum 2009 khan siam niin he Project hi UK Territory Salvation Army te nen \angkawpin, Phase-I ah chuan Mizoram chhung mai niloin North East State huamchhung thlan bik - Moreh, Imphal, Churachandpur, Shillong, Guwahati, Siliguri, Fatapukur, Darjeeling, Kalimpong leh Namchi-ah te hma lak \an a ni phawt a. Phase-II tuna kalpui mekah hian Mizoram District \henkhat leh Assam leh West Bengal te huam telin, ram pawnah te pawh he hmalakna avang hian chhanchhuah hna te thawka kal \hin a ni. State pawn a NGO hrang hrangte nen indawrin hmalak ho \hin a nih bakah Impulse NGO te nen \angkawpin chhanchhuah hna thawhna kawngah awlsam zawka Myanmar leh Bangladesh a thawhpuite nen inbiakna tur hman tur, Communication software te siam a ni bawk.