Wednesday, 26 September 2018

Chief Minister in Serchhip College-a RUSA kaltlanga Building sak thar a hawng

Rashtriya Uchchattar Shiksha Abhiyan (RUSA) hnuaia Govt. Serchhip College Academic Building sak thar chu nimin khan Chief Minister, Lal Thanhawla chuan a hawng.
Govt. Serchhip College Academic Building thar hawnna hunah hian Chief Minister chuan Serchhip District leh Serchhip mipuite tana hmasawnna \angkai tak tur hawn theih a ni chu lawmawm a tih thu sawiin, a hlawhtlinna atana thawktute zawng zawng chungah lawmthu a sawi a. Khawvel ram changkang apiangin hriselna inenkawlna (Health Care) leh zirna (education) an ngaih pawimawh \hin thu leh India ramah pawh tunhnai maiah hengah hian hmalakna thar \ha tak tak siam a nih thu a sawi a. Mizoram pawhin hman a\ang tawha zirna tihhmasawn leh state dangte el pha tura Education Reforms siam tura ruahmanna a lo siam tawh thu sawiin Chief Minister chuan, Higher Education tihhmasawnna tur hmalakna thar hawn a ni leh chu lawmawm a tih thu a sawi a. |halaite tana khawvel thar siam tura sawrkarin kawng hrang hranga a hmalak dan te sawiin zirna lamah te, Army leh Civil Service Coaching Class te, Skill Development te leh Cash Award buatsaih te chu tuna zirlaite chu a hmang \angkaitu an nih ngei a duh sak thu a sawi bawk.
He hunah hian School Education Minister, H. Rohluna pawhin Govt. Serchhip College chu Mizoram-a College upa ber pali (4) zing ami anih angin entawntlakna tur tam tak an nei nia a hriat thu leh building thar an nei chu a lawmpui thu a sawi bawk.
RUSA Phase-I hnuaiah 2013 kum tawp lam a\ang khan Serchhip College tihhmasawnna tura hmalak \an niin, Mizoram Technocrats Company chuan Academic Building sakna tur ruahmanna an siam sak a. July, 2015 khan installment hmasaber (Rs. 12,50,000) hmangin Ground Floor sak a ni a. April 2016 khan installment vawi hnihna (Rs. 93,75,000) pek leh niin, Classroom pahnih leh mipa leh hmeichhe inthiarna sak a ni. April 2017 khan heng classroom te hi luah nghal a ni a. Installment vawi thumna (Rs. 93,74,952) hmangin Vertical Extension siam a ni a, Classroom pahnih sak belh leh a nih bakah Multipurpose Hall chei\hat nan sum hi hman a ni a. Building hi metre 27.5x10.8 a zau a ni a, hnathawh hi kumin June thla khan zawhfel a ni. Tunah hian RUSA Phase-II kalpui leh mek niin, hemi hnuaiah hian Library Extension te, Seminar Hall leh Academic building thar sak hna thawh leh mek a ni bawk.
Nimin a he Building thar lawmna inkhawm, HD. Rosanga Multipurpose Hall-a buatsaihah hian Vanlalchhuanga, Associate Professor chuan kalkhawmte lawmna thu a sawi a, Dr. Lalrintluanga Sailo, Institutional Co-ordinator RUSA chuan Technical Report pein Thanglura, Addl. State Project Director, RUSA hnen a\angin thusawi ngaihthlak niin State dang ten RUSA project an kalpuina State in a tum ve tur (State Matching Share) ah harsatna an tawh \hin laia Mizoram in buaina a tawk ve ngailo chu lawmawm a tih thu a sawi bawk.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...