Monday, 17 September 2018

RAY-Pilot Project hnuaia chhungkaw 74 chenna tur In sak UD&PA Minister in a hawng

Rajiv Awas Yojan (RAY) hmalakna hnuaia Falkland Veng-a chenna In sak te chu Zirtawpni khanUD&PA Minister, Zodintluanga chuan a hawng a. He hunah hian UD&PA Minister chuan UD&PA hnuaia sawrkar hmalakna ah te hmasawnna ruhrel lian tak tak hmun tam takah din a ni tawh tih a sawi.

Ministry of Housing and Urban Affairs (MoHUA) hnuaia Falkland Veng - RAY Pilot Project hnuaia chenna In sak hawnna hunah hian UD&PA Minister, Zodintluanga chuan UD&PA Department hnuaiah sawrkar in hmasawnna lian tham tam tak a siam tih sawiin, Khawpui chhung tih hmasawnna leh khawpui cheibawl nan Urban Development hnuaiah hmuh theihin Aizawl khawpuiah leh Census Notified Town-ah te hna pawimawh leh vantlang tana \angkai tak tak te thawh a ni, a ti a. Hetihlai hian mipuiin an hriatlar loh zawk Poverty Alleviation a\angin Urban Development hnuaia hmalakna aia tam zawk mah thawh tawh leh thawh mek zel a ni tih sawiin, UD&PA hnuaia sawrkar hmalakna a\angin miharsa zawk ten an mahni puala an In tur hmun tam takah an neih phah a, chhungkaw harsa tak tak tam tak tan lawmna leh hmasawnna thlentu a ni mek tih a sawi a. Falkland Veng-a RAY Pilot Project chu Scheme tawp tawh, UD&PA a hnathawkte inpekna leh remhriatna avanga puitling thei a nih thu a sawi bawk.
UD&PA Minister chuan UD&PA hnuaia sawrkar hmalakna ah te hmasawnna ruhrel lian tak tak hmun tam takah din a ni tawh tih sawiin, kawngkawi zim tih zau, hmun pawimawh panna kawngpui dung zauh, vantlang mipui te mamawh building sak, Bawlhlawh sawngbawlna hmun buatsaih, hmasawnna rurel pawimawh tak tak siam leh hna pawimawh dang tam tak bakah miretheite chawikanna programme hrang hrang te, miharsa zawkte tana eizawnga kawng kawhhmuh leh zirtirna pek bakah miretheite tana chenna In sak sak te thleng in a huam vek a ni, a ti a. Tunah hian BSUP hnuaiah Durtlang, Rangvamual leh Lawipu-ah te mi khawsak harsa zawk, chhungkaw 1026 tan chenna In sak sak ni tawhin an luah mek thu leh Edenthar Veng-ah pawh BSUP hnuaiah tho mi khawsak harsa zawk, beneficiary te tan Insak niin hawn theih \ep a ni tawh tih a sawi a.NULM hnuaiah miharsate te tan eizawnna kawng inkawhhmuhna kumtin kalpui a nih thu leh ku tin mi sang telin eizawnna thar an neih phah mek thu pawh sawiin, District khawpuiah te leh Census Notified Town - Thingtlang khaw lian deuhah te pawh mahni puala In sa thei lo sang tam tak tan chenna In sak sakin tunah pawh Mizoram pumpui huapin PMAY hnuaiah mi 50,000 chuang chenna In sakna turin hmalak mek a nih thu a sawi.
He hunah hian khual zahawm leh bialtu MLA, R. Lalrinawma, Assembly Deputy Speaker chuan RAY Pilot project chu a veng neitu bakah Aizawl khawpui tan hmasawnna, mi khawsak harsa zawk tan malsawmna leh vanneihna a nih thu a sawi bawk.
Falkland Veng-RAY Pilot Project hnuaia chenna In sak te hi Building lian 5 leh building te chhawngkhat chi 5 niin a chhungah chhungkaw 74 awm theihna tur Dwelling Unit (DU) 74 a awm a. Chenna In bakah Community Centre, Health Centre leh Anganwadi Centre te pawh a awm a. Falkland Veng - RAY Pilot Project hi chhung-kaw thawhchhuah nei tlem zawk (Lower Income Group) te tan, In luahman tlawm zawka luah theih tura ruahman a ni.
RAY Pilot Project, Falkland Veng sak nan hian RAY a\angin cheng Vbc. 6.22 hman a ni a. Building lian zawk, Multi Rental DU Block pakhat zel \huthmun hi Square Ft. 1665 a zau a ni a, Chhungkaw pakhat chenna/DU hi Square Ft. 340 zela zau a ni a, Building te zawk, chhawng khat chi, Double Dwelling Unit Block pakhat zel \huthmun hi 340 Square Feet zel a ni thung.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...