Sector Officer training nei

Mizoram Assembly inthlanpui neih tura Serchhip District chhunga Sector Officers te tan nimin khan an hna thawh dan tur zirhona neih a ni.

Serchhhip District chhunga Sector Officers te tana training Serchhip DC’s Conference Hall a neih ah hian District chhung khaw hrang hrang a Vote thlakna hmun tur (Polling Sation) hmunhma te, Route Map an buatsaih te, voter te tan a panna remchang anih leh nihloh te, harsatna thleng leh awm palh thei lakah a him leh himloh te bakah khaw \henkhat inkalpawhna kawng (approach road) dinhmun te sawiho niin Sector Officer te hian an huamchhung \heuh a Vulnerability Mapping an tih zawh tak te thlir hova sawiho ngai te sawiho a enfiah nawn a ni bawk.

Serchhip District chhunga Assembly Constituency pathum a duty tur hian Sector Officer 13 ruat an ni a. Nimin a training ah hian R. Vanrengpuia, SDO (Sadar) leh Master Trainer ni bawk chuan Model Code of Conduct (MCC) hnuaia dan leh thupek a siam hrang hrangte hrilh-fiahna neiin, Sector Officer te mawhphurhna (duty) leh an chanvo te hrilhriat thar lehna a nei bawk.