Sawrkar ram pek fimkhur a \ul

Sawrkar ram pek fimkhur a \ul

Tunhnai khan Serchhip-a PHE Department ram chu mi \henkhat in neih tuma hma an la nia hriain PHE Department-a E-in-C chu Serchhip-ah rawn kalin an ram hi pass an neih te nen a rawn enfiah a, hei mai bakah hian Serchhip-a an Department hotute chu an ram chin humhalh tlat tura chahin, an Department ram humhalh zui dan turte pawh an sawiho nghal bawk a ni.
Kum engemaw zat kalta a\ang khan kan khua a sawrkar Department rawn awm turte leh Pisa dang hawng turte hi khawtlang hruaitute hian ram an lo pe tawh \hin a, hei hi thil \ha tak a nih rualin hmun \henkhat ah sum tam tak senga Department hmunhma an lei theih laia a thlawna ram pek phut tlat a ni \hin hi thil mak tak pawh a ni a. Chutih rual chuan ram kan pek ah pawh Office duhna avang ngawta ram pek vak vak lovin mamawh tawh kan pek \hin a pawimawh hle a ni.
Serchhip-a kan sawrkar Department \henkhat te zingah pawh hian mamawh tawk bak aia zau ram nei hi engemaw zat an awm niin a lang a, heng Department \henkhat te hian an ram neih te hi an luah zawh meuh loh laiin Dan hnuaiah Chhiah pe-a ram neitu an nih avangin duh duha laksak ngawt theih an ni tawh si lo a. Chuvangin, hetianga kan sawrkar Department te ram kan pe dawn a nih pawhin uluk taka ngaihtuahna seng chunga mamawh tawk ram kan pek hi a pawimawh hle mai a. A bik takin khawpui chhung khawi laiah emaw dah mai tur, Office inchuhna ni awma ngaih theih tur a awm avanga ram \ha leh zau zawk pe-a inchuhna awm ni awma lang \hin te hi thil \halo tak mai a ni a. Kan khawpui leh a vela ram kan neih te hi \angkai taka kan hman thiam a \ul hle a ni.

Popular posts from this blog

PAN CARD an tih teh fo hi - Laldinpuia