Serchhip-a VC 7 ten Joint VC an pawm tawhloh thu an thlen

/
Serchhip Town chhunga Village Council pasarih (7) te chuan Serchhip Town Joint VC Committee Chairman nilai, H. Lalthianghlima hnenah lehkha thawnin Joint VC chu an pawm tawhloh thu an thlen.
He lehkha a an tarlan danin tun thla ni 6 khan Serchhip Town-a VC pasarih kalkhawmte chuan kum 1995 vel a\anga lo din tawh Serchhip Joint VC chu tluang tak leh \angkai takin a lo kal \hin nia tarlangin, amaherawh chu tun dinhmun ah chuan a kaihhruaina hnuaiah hian Joint VC anga kal chu a him tawk lova an hriat thu an tarlang a ni.
Hetianga Joint VC anga kal a him tawk lova an hriat avang hian Serchhip Town-a VC 7 te chuan Serchhip Town Joint VC chu kal zel tawhlo se \ha an tih thu pawh tarlangin, Serchhip Town Joint VC-a VC sawmpakhat (11) awm a\anga 7, a tam zawk ten Serchhip Town Joint hi kal zel \ha an tih tawhloh avangin Sept. 6, 2018 a\angin Serchhip Town Joint VC Chairman-ah an pawm tawhlo tih an hriattir thu an tarlang bawk a ni.
Hei bakah hian Seal, Minute Bu leh Account Bu leh sum la awm ang ang bakah Joint VC Property an kawl apiang chu Serchhip District Village Council President, T. Zabiaka hnenah a rang lama thehlut turin an hriattir bawk a ni. Serchhip-a VC 7 ten he lehkha an thawn ah hian Serchhip-III, Serchhip-IV, Serchhip-V, Ser-chhip-VI, Serchhip-VIII, New Serchhip South leh New Serchhip North VC-a VCP \heuh ten hming ziakin Seal an chhu a. Heng VC 7 te hi Congress Party kaihhruai VC dinna a ni.
Tarlan tawh angin tunhnaia Serchhip Town Joint VC \hukhawm in thu an rel chu Joint VC hian thuneitu sang zawk hnenah an thlen a. He an thu thlen danah hian heng VC 7 te hi an lung-awilo a, Joint VC Emergency Meeting ko turin an ngiat tawh a. Hei hi tih hlawhtlin a nih tak loh avangin hetiang thil hi a thleng ta nia hriat a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »