Hrangturzo bialtu MLA in a bial chhung fang mek

North Vanlaiphai Joint MHIP chuan nimin khan Conference neiin he hun hi bialtu MLA leh Minister of State ni bawk, Vanlalawmpuii Chawngthu chuan a hmanpui a ni.
North Van-laiphai Primary School-I a North Vanlaiphai Joint MHIP Conference-ah hian bialtu MLA, Vanlalawmpuii Chawngthu chuan Pawl intodelh leh \anpui ngaite \anpui \hintu pawl ropui Mizo hmeichhiate intelkhawmna, MHIP kan nei chu vanneihthlak a tih thu sawiin, Ram leh khawtlang hruai turin mipaten min pawm chhoh deuh deuh theih nan hmantlak leh rintlak ni tura keimahni kan inbuatsaih nasat deuh deuh a \ul a ni, a ti a.
Politics chu eiruk zirna hmun tur leh insiam hausakna hmun tur a ni lo tih pawh sawiin Cooperation Minister chuan, midang tana rawng-bawlna hmun pawimawh tak ani tih kan hriat a ngai a ni, a ti bawk. MHIP Joint Conference hi an President, RL. Hmangaihzuali chuan kai-hruaiin MHIP General Hqrs. President, Saipuii Sailo pawhin he hun hi hmanpuiin thusawina hun a hmang bawk.
Nimin vek khan Hrangturzo bialtu MLA, Vanlalawmpuii Chawngthu hian nakum-a North Vanlaiphai Joint YMA in YMA General Conference a dawn tur atana din, 2019 YMA General Conference Organising Committee te chu Joint Meeting neihpui bawkin N. Vanlaiphai khua in YMA General Conference a dawng tur chu lawmawm a tih thu sawiin, palai lo kalkhawm te chu felfai taka an lo dawnsawna, engkim \ha leh tlin taka kalpui a nih theih nan an tih tur \heuh te an hlen chhuah a ngai dawn tih a sawi a. Tun a\angin chung hnate chu an lo thawk \an dawn tih sawiin, Hrangturzo bial chhung khaw hrang hrang inkalpawhna kawngpui te siam\hat hna pawh thawh \an a nih tawh thu leh reilote ah an bial kawng te chu a \ha chho vek dawn tih a sawi bawk.

Popular posts from this blog

PAN CARD an tih teh fo hi - Laldinpuia