DC sawn turin hma la zel

 Inrinni khan Sub-Hqrs. YMA Mamit kaihhruaina in Mamit-a All NGO, All Political Party leh VC chuan Mamit District Bawrhsap, Bhupesh Chaudhary IAS sawnchhuah chungchangah Joint Meeting neiin DC sawnchhuahna Order chu naktuk September 17 thleng an nghak dawn niin an sawi a.

Hemi chungchanga kawngzawhpui neih a nih \uma resolution an lo siam tawh, September 10, 2018 ralhma ngeia sawrkar thuneituten DC Mamit chu Mamit a\anga sawnchhuak tura an ngenna file pawh thui tak a kal tawh hnua awmzia a neih loh avangin September 17-a sawnchhuah thupek a awm loh chuan a tuk Thawhlehni, Sept. 18 a\angin DC Office, Mamit-a Pisa kai tur dan nise, hei pawh hian awmzia a nei loh chuan an DC a chhuah theih nan hian hma lak zui zel nise an ti bawk.

Hetihlai hian Mamit DC, Bhupesh Chau-dhary, IAS chuan thupek tichhuakin lungawilohna lantir a khap a. Cr.PC Section 144-na hmanga District Magistrate thupek hian sawrkar Pisa kai tur dan emaw, kawngpui dan emaw, zirna In khar emaw chu khapin, mi 5 aia tam punkhawm a khap a. Heng bakah hian kawngzawh leh lung-awilohna thu auchhuahpui leh punkhawm ang chi reng reng vantlang hmuna neih a khap a. Sawrkar hnathawk lungawilohna lantirna a tel an awm chuan Service Rules bawhchhiatna ah ngaih a nih tur thu a tarlang bawk.