RO leh ARO te tan Training buatsaih

Mizoram Legislative Assembly inthlanpui neih tura Serchhip District chhunga Assembly Constituency pathum (3)-a Returning Officer leh Assistant Returning Officer tur te tan nimin khan Serchhip DC Office-a NIC Room-ah Training neih a ni.
Assembly inthlanpui neih tura inbuat-saihna kalzela Serchhip District chhunga RO leh Asst. RO te tana Training hi hun 4 ah \hen niin hun hmasa berah SDO (Sadar), R. Vanrengpuia chuan Nominations File chungchangte, Nomination File hnu Nomination Paper endik leh inhnukdawk duh tana inhnuhdawh dan tur chungchang ah zirtirna pe a. Service Voters te tana Postal Ballot leh Electronically Transmitted Postal Ballot Sysytem hman dan tur chungchangah C. Lalduhzuali, SO chuan zirtirna pe bawkin Pinky Zosangpuii, SDO (Civil) Thenzawl chuan vote tla chhiar dan tur chuangchang zirtir ve leh a, H. Lalhruaitluanga, SDC chuan inthlanni-a ruahmanna hrang hrang siam dan turte a zirtir bawk.
Nimin vek khan Assembly ithlanpui neia Vote thlakna atana hman tur Electronic Voting Machine (EVM) buatsaih dan tur chungchangah Lalvenhima, Election Officer chuan EVM khawl khawih tur Staff te hnenah zirtirna a pe bawk a. Mahni mawhphurhna t\euhah tumah pel-he theih a ni lo tih sawiin, “Kan hna hi a ropui emaw ropui lo emaw \ha taka hlen chhuak tura beisei kan ni,” a ti a. An hna tur chanpualte chu tih khawtlai thianglo anih avangin, thil dang ngaihtuah hman an nih dawn loh thu a sawi. He hunah hian EVM khawihtu tura ruatte chu pawl hrang hranga siamfel nghal niin an mawhphurhna tur \heuhte hrilhfiah an ni nghal a ni bawk. 

Popular posts from this blog

PAN CARD an tih teh fo hi - Laldinpuia