ECI mi tirh ten inthlanpui neih tur atana Mizoram inbuatsaihna lungawithlak an tih thu sawi

/
Mizoram inthlan awm tur atana inbuatsaihna kal mek zela District Election Officer-te training neihpui tura Election Commission of India-in Mizorama a rawn tirh, Tripura CEO, Sriram Taranikanti, IAS leh Nagaland CEO, Abhijit Sinha, IAS te chuan inthlan neih tur inbuatsaihna kal mek chu a felfaiin a lungawithlak an ti.

Mizoram inthlanpui awm tur atana inbuatsaihna kal mek zelah nimin khan Administrative Training Institute (ATI), New Secretariat Complex, Aizawl-ah Mizoram District 8-a District Election Officers zawng zawngte tan training buatsaih a ni a, Election Commission of India-in a bik taka training pe tura a rawn tirh Tripura CEO, Sriram Taranikanti, IAS leh Nagaland CEO, Abhijit Sinha, IAS te chuan kum dangah pawh Mizoram-ah inthlan felfai tak awm \hin chu a entawntlaka an hriat thu leh tuna inbuatsaihna kal mek pawh a felfaiin a lungawithlaka an hriat thu hi an sawi a ni. Tunah pawh hian Mizoram inthlan tur atana inbuatsaihna kal mek chu a felfaiin a lungawithlak hlea an hriat thu an sawi bawk. Tripura CEO Sriram Taranikanti chuan Mizoten kuthnathawk hi thil zahthlak ah an ngai lo ringawt pawh chu rampumin an entawn a tling a ni, a ti bawk.
He hunah hian Nagaland CEO, Abhijit Sinha chuan ECI-in anmahni an rawn tirhna chhan chu hmarchhak state ten harsatna an tawh \hinte a inang tlangpui avangin Mizoram-ah pawh inthlanpui awm turah harsatna an tawhte hrethiam turah ECI-in a ngaiin anni CEO pahnih hi a rawn tir ta tih a sawi a. Inthlan ni (election date) tur pawh puan har a nih tawh vak loh a rin thu leh election an hmachhawn hunah pawh DEO leh Election kaihhnawih Officers leh staff-te chu zam mai lova harsatna eng pawh tawk mahse ngaihtuahna fim tak hmanga ECI Guidelines-in tih tur a ruat angin felfai leh uluk taka District tinah inthlanna tluang tak an nei thei turin a duhsakna a hlan bawk.
Nimin a he training buatsaih ah hian District Election Management Plan & Vulnerability Mapping chungchang ah te, Model Code of Conduct chungchang ah te, IT Application (SUVIDHA, SUGAM & SAMADHAN) chung-chang te, Election Expenditure Monitoring leh EVM & VVPAT- Administrative Procedure & Technical Procedure, ETS, Mobile App chung-chang te zirho a ni a, he hun hi heng CEO pahnih te bakah Mizoram Addl. CEO, Lalzarmawii, IAS chuan a telpui bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »