Monday, 17 September 2018

District function-na tur Budget-ah dah dawn

MNF MLA, Vanlalzawma chuan MNF-in sawrkarna a siam a nih chuan nakum Budget Session-ah District puan tawh te function-tirna tur a tel dawn tih a sawi.
Inrinni a Aizawl Bungkawn-a MNF in Street Campaign an buatsaih ah MNF MLA, Vanlalzawma chuan, "Nimin a Congress party-a thil thleng kan hria a, kha kha kum 2008 kum tawpa MNF sawrkarin District a pek Congress sawrkarin a function-tir duhloh avanga thleng a ni. Pathian leh mipui zara MNF kan sawrkar a nih chuan nakum Budget Session-ah District kan puan tawhte function-tirna tur a tel dawn a ni," a ti.
Vanlalzawma chuan nikum Financial year-ah khan kawng siamna turin nuai 80,000 vel a awm nia sawiin, chutah chuan nuai 30,000 vel hmangin nuai 50,000 dawn hman lohin a awm tih pawh sawiin, “Hei hi sawrkar inthlahdah vang a ni. Tuna kan kawng chhia hi pawisa awm loh vang a ni lova, sawrkar inthlahdah vang liau liau a ni. Pathian leh mipui zara MNF a sawrkar a nih chuan kan kawngpui a \ha ang,” a ti bawk.
He hunah hian MNF |halai President, Er. Lalrinawma, MLA pawhin thu sawiin, MNF a sawrkar chuan ram leh hnam himna ngaih pawimawh a nih tur thu a sawi a, “Non-Tribal te Mizorama sumdawng turin State or central Goods & Services Tax (GST) registration neih a ngai a, nimahsela, tuna kan kalpui danah chuan CGST hnuaia registration ti turin Non-Tribal tan ILP phut a ni leh si lova. Hei hi kan hnam himna a tiderthawng thei hle a. ILP hi kan hnam damna, inremna thuthlunga inziak a nih avangin saworkar chu hma la turin House-ah pawh kan sawi \hin a, mahse, hmalakna a awm lo a ni. MNF kan sawrkar chuan ILP hi kan ngaihthah mai mai dawn lo,” a ti bawk

Latest News

Central YMA Inthlan thuchah

CENTRAL YOUNG MIZO ASSOCIATION MIZORAM : AIZAWL INTHLAN THUCHAH 2018