MSCPCR hotu ten Serchhip District tlawhin Home hrang hrang dinhmun an enfiah

Mizoram State Commission for Protection of Child Rights (MSCPCR) chuan nimin khan an Chairperson, Sangzuali Vanchhawng hovin Serchhip-a thuthar thehdarhtute an kawm a. An Commission hmalakna hnuaia Serchhip-a naupangte enkawlna hmun hrang hrang an enfiah chungchang an sawipui.

Nimin-a Jamela Hotel-a thuthar thehdarhtute an kawmna hunah hian Mizoram State Commission for Protection of Child Rights (MSCPCR)-a Chairperson, Sangzuali Vanchhawng chuan Sawrkar in naupangte humhalhna leh venhimna Dan a siam te \ha taka kenkawh a nih leh nihloh enfiah chu an hna pawimawh ber a nih thu sawiin, hemi atan hian Home hrang hrang te chu enfiah a nih \hin thu an sawi a. Khawi hmunah pawh naupangte dikna leh chanvo rahbehna a awm a nih chuan tute emawin an report kher lo a nih pawhin hma an lak theih thu a sawi a. Tun \uma Serchhip District an tlawh chu Aizawl District pawnlama an vahchhuahna hmasa ber a nih thu leh Serchhip-a Fahrah enkawlna hmun pahnih te bakah Observation Home leh District Jail te an tlawh dawn thu sawiin, heng ah te hian a building chu naupangte tana a him leh him loh bakah eitur an mamawh ang an dawn leh dawnloh bakah naupangte tana himlo awm thei hrang hrangte pawh enfiah a nih dawn thu a sawi bawk.
Nimin a thuthar thehdarhtute an kawmna hunah hian MSCPCR Member mi 3- J. Malsawmzuala Vanchhawng, K. Malsawmzuali leh Dr. Julie Remsangpuii Fambawl te chuan nimin chawhma lama Unity Orphanage Home leh Zoar Deprived Children Home an tlawhna report pein Unity Orphanage Home-ah hian naupang 15 leh Zoar Deprived Children Home-ah hian naupang 17 an awm mek thu sawiin, an hmunhma te chu duhthu a sam tawklo hle nia an hriat thu an sawi a. Heng Home-a naupang awm zingah hian nu leh pa in\hen avanga harsatna tawk naupang chu a tam ber an nih thu sawiin, naupangte chu Home-ah a reilo thei ang ber awm tura an duh thu leh chutihrual chuan naupang chhungte zingah enkawltu tur an awmlo a nih chuan naupangte tana \ha ber tur zawnga an chhungkua tur ngaihtuah sak tura hma an lak \hin thu an sawi bawk.
He hunah hian MSCPCR hotute chuan hursualna laka naupangte venhimna dan, POCSO Act bawhchhiatna Mizoram-ah a tam thu leh hmei-chhia mai bakah mipa naupang leh tleirawl te pawh an tuartu an nih thu sawiin, heng vanduaina thlengah a tuartu mualpho anga ngaihna awm chu a dikloh thu leh pawikhawihtu chu a mualpho zawk an nih thu uar taka sawi a pawimawh thu an sawi a. Rualbanlo te enkawlna chungchang ah Serchhip District chu tunhma lam a\anga hma la \ha khua a nih thu pawh he hunah hian an sawi bawk.
MSCPCR hotute chuan kum 2011-a India chhiarpui a\anga alan danin India rama mipui tluklehdingawn 1.2 zinga Mtd. 472 te chu kum 18 hnuailam niin hei hi mipui zawng zawng a\anga zaa 39 an tlin phak thu an sawi a. Kan ram Danpui (Constitution) chuan naupang zawng zawngte dikna leh chanvo a pek thu sawiin, State sawrkar te pawh naupangte chawikanna tura hma la tura tih an nih thu an sawi a. Directive Principles of State Policy chuan State sawrkar chu naupangte himna tur leh an hmasawnna tur ruahmanna siam tura a tih thu an sawi bawk.
Hei bakah hian naupangte laka Media te kaihhruaina leh Dan hrang hrangte pawh he hunah hian tarlangin, tunhnaia thil thleng ah te pawh Media lamah pawngsual tuartu nihna leh hming puanzar hmuhtur a awm ngai ta lo nia an hriat thu sawiin, hmasawnna lawmawm tak an nih thu an sawi a. POCSO Act chungchangah a tuartu ber nilo, an chhung ten FIR thehluh an la hreh \hin leh ngaihdam indilna avanga in ngaih-dam kan la ching chu tihloh atana \ha a nih thu an sawi a, Serchhip District chu remchang hmasa ah an la tlawh leh dawn thu an sawi bawk.

Popular posts from this blog

PAN CARD an tih teh fo hi - Laldinpuia