North Vanlaiphai-ah Pangang khawi dan zirho

Nimin khan Sericulture Department buat-saihin N. Vanlaiphai-ah Pangang khawi lama tui mite tan ‘Workshop on MUGA’ (Under IMSDP) neih a ni a, he hun hi Sericulture changtu Minister of State, Vanlalawmpuii Chawngthu chuan khuallian niin a hmanpui.

North Vanlai-phai-a Pangang khawi dan zirhona ah hian Sericulture Minister chuan hmun hrang hrangah Pangang khawi lama tui mite leh kut hnathawktu hlawhtlin tum tak tak hmuh tur an awm \hin chu lawmawm a tih thu a sawi a. Kan kutchhuak ngei Silk a\anga siam silhfen kan nei ta te chu kuthnathawktute thawhrim rah liau liau a ni tih sawiin, Sawrkarin kut hnathawktute hmakhua a ngai em em a, bul an \anna tur \anpuina sum leh ham\hatna dang tam tak a pe \hin a, heng kan thil dawn te hi dik takin hmang ila, taima taka leh rinawm taka kan hna \heuh kan thawh chuan hlawhtlinna kan hmu zel dawn a ni, a ti a. “A diltu chhuaktu nih lama \an la lova, a thawk chhuaktu, a thawkchhuak thei leh thiam nih lama kan inel chhoh deuh deuh a \ul hle a ni,” a ti bawk.

He Workshop hi C. Rozawna, Joint Director, Sericulture Department in a kaihruai a, Lalnunzawma, Farm Manager KVK North Van-laiphai in thusawina hun hmangin V. Zothansanga, DSO Serchhip in lawmthu sawina hun a nei a, Pangang khawi lama tui mite an kal \ha hle a ni.