Serchhip District-a Police ten training an nei

Mizoram in Assembly inthlanpui a hmachhawn tur atana Serchhip District chhunga Police te puala Training chu nimin khan neih \an a ni a, Vawiin ah chhunzawmin zawhfel a ni ang.

Serchhip SP Conference Hall-a ni 2 awh he training hawnna nimin a neih hi Serchhip SP, R. Sathiyasundaram, IPS chuan hmanpuiin Mizoram inthlanpui lo awm turah Serchhip District-a Police te chuan mawhphurhna tam tak an nei dawn tih sawiin, inthlanna felfai leh muanawm kan neih na turin theihtawp chhuah a, chumi atana thil pawimawh inhrilhhriatna hun buatsaih a ni chu lawmawm a tih thu sawiin, he Training hi hlawk taka hmang turin kalkhawmte chu a chah bawk.

He hunah hian Serchhip SDPO, Lal-nunmawii Varte, MPS chuan Election kaih-hnawih a dan bawhchhiatna thleng thei leh a hrem dan te leh chutiang laka inven dan hrang hrang te zirtirna a pe a, Pinky Zosangpuii, SDO (Civil) Thenzawl chuan Model Code of Conduct chungchang zirtirna pein, Addl. DC, R. Riadao Hlychho, MPS chuan Election Duty te tana tih tur leh tihloh tur hrang hrang te sawiin zirtirna a pe bawk a. Serchhip SP, R. Sathiyasundaram, IPS chuan Vote thlak hma, Vote thlak lai leh Vote thlak zawh hnu leh Vote chhiar hun thlenga Police te mawhphurhna hrang hrang te sawiin, training chungchang briefing te a neih pui bawk a ni.

Serchhip District chhunga Police te tana Election chungchang Training buatsaih ah hian Serchhip, N. Vanlaiphai leh Thenzawl Police Station a\angin Batch khat na ah mi 40 vel thlan niin, Vawiin hian midang in Training hi an nei ve leh ang.