NHM hnuaia thawkte nuar

Health Department hnuaia National Health Mission (NHM) kaltlanga Contract-a thawk te chuan hlawh an lak mumal loh avanga lung-awilohna lantir nan nimin a\ang khan an Pisa kaina ah Badge dum belin an lungawilohna an lantir.

Health Department hnuaia National Health Mission (NHM) kaltlanga Contract-a thawk te inzawmkhawmna, NHM Contractual Association Mizoram (NCAM) Executive Meeting in alo rel tawh angin nimin khan Mizoram hmun hrang hranga NCAM member te chuan Mizoram Sawrkarin NHM Contractual Staff te hlawh a pek mumal theih loh avanga Sawkar nawr nan leh lungawilohna lantir nan an hnathawhna hmunah Bagde dum an bel a, he nawrhna hi NCAM Sub-Hqrs. Serchhip a Member te pawhin thlawpin an hnathawhna hmun \heuh ah Bagde dum hi an bel a, ruahman lawk ang chuan tunkar Zirtawpni thleng khi Badge dum hi belh a ni ang.

Hemi chungchanga thuchhuah an siam ah NCAM Sub-Hqrs. Serchhip chuan tuna Badge dum an bel piahlamah sawrkar nawr nana hmalak chhunzawm zel a \ul a nih pawha lung-rual taka ke pen zel turin an in ngen bawk a. Health & Family Welfare Department hnuaia an thawh-pui te leh an hotute pawh an harsatna leh an hmalakna te hriatthiam pui turin an ngen bawk.

NCAM Sub-Hqrs. Serchhip hruaitute chuan kan Palai zawhna chhangin an Member zingah June thla a\anga hlawh la mumal tawhlo te pawh an awm tih sawiin, an hlawh lak loh chin erawh a inanglo tih an sawi a, Serchhip District chhungah hian tunah hian NHM hnuaia thawk hi mi 100 chuang zet an awm thu leh PHC \henkhat ah phei chuan Doctor leh thawktu tam zawk chu NHM hnuaia thawk hi an nih thu an sawi a. Serchhip damdawi In leh CMO Office-a thawk zingah pawh NHM hnuaia thawk hi \hahnem tak an awm thu sawiin, an harsatna hi nimin khan Health Minister chu an hruaitu ten an sawipui dawn thu an sawi bawk.