an Aushadhi Store-a damdawi a danglam lo tih sawi

Serchhip-a a man tlawma damdawi zawrhna, Jan Aushadhi (Generic Medicine Store) Dawr damdawi chu, damdawi dawr dang a mi nen a inang reng tih Lalsawma Pachuau, Jt.Director Food & Drug Administration chuan a sawi.
Tunhnaia Serchhip-a rawn zin Food & Drug Administration-a Joint Director chuan Generic Medicine Store-a damdawi man a tlawm theih chhan chu sawrkar laipuiin heng damdawi dawr-a zawrh tur damdawi siama dahtu tur company hran neia a tuamna leh damdawi bur pawh a man titlawm thei ang ber tura simple hman a nih vang mai a ni, a ti a, mipui tan hman \angkai ngei tur zawk a nih thu leh \halo zawk anga ngaihna a awm a nih chuan a diklo tih a sawi bawk.
Serchhip-a Generic Medicine Store hi kumin kumtir khan Serchhip Bazar Ramthlun peng ah hawn niin, mi tam tam takin \angkai takin an hmang mek a. Mi \henkhat erawh chuan a nihphung an hriatchian loh avangin an la pan lo ve thung a. Damdawi awmna area Serchhip-IV a VCP, Lalramnghaka Kawlni pawhin Serchhip a Jan Aushadhi chu Serchhip khua mai ni lo Ser-chhip District mipuiin an chhawr \angkai thu sawiin, hmun ualau zawkah hawn ni phei sela chuan tun aia a \angkai a rin thu a sawi bawk.
He Dawr neitu, Lalremsanga@Puia pawhin an dawr chu mipuiin an hman \angkai thu sawiin, an hawnna a la rei loh avangin mi \henkhat la hrechiang lo an awm thu a sawi a. Damdawi chu Guwahati a\anga dawng \hin an nih avangin a rawn kalna a thui tham a, a rawn thlen hun tura sawi ah a rawn thleng lo erawh chu an harsatna tawh niin a sawi bawk.

Popular posts from this blog

PAN CARD an tih teh fo hi - Laldinpuia