Latest News

AMFU in Aizawl-ah kawng an zawh

All Mizoram Farmers Union (AMFU) General Hqrs. buatsaihin nimin khan Aizawl-ah 'Kuthnathawktute Chhanchhuana Kawngzawh' neih a ni.
AMFU General Hqrs. buatsaiha nimin-a Aizawl khawpuia kawngzawh hi Chanmari kawn a\anga neih niin Vanapa Hall kawt-ah an tawp a, AMFU chuan kut hnathawktute tan dan \ha siam tura phutna te, ram neih dan phung mumal zawk siam tura phutna te leh Kuthnathawktu te tana dan siam \ha theilo sawrkar an duhloh thu te an aupui a. Vanapa Hall Kawt-a inkhawm tawpna neih ah AMFU President, Joseph H. Thanzuala chuan kuthnathawka thawkrim leh tharchuak te beidawnna ramah kan sawrkar hian min siam mek nia sawiin, kan ram hruaituten ei leh bara intodelh tumna tak tak an neilo niin a sawi a, kuthnathawktute harsatna sutkian a, an hmasawnna tur ataka hmalak pui ai chuan therhlo tlem tlem sum leh pai hmanga min tikualin sawrkar mamawh lo theiloa siamin min dah an tum zawk niin AMFU chuan an ngai tih a sawi.
AMFU President chuan sawrkar in flagship programme lianber a neih chu tunah hian hleih nei takin kuthnathawktute chhanchhuah tum ai mahin politics khelna hmanrua a hmangin an sem leh dawn tih sawiin, hei hian kan rama mipui tlemte awm mekte inpumkhatna aiin inhuatna leh indona ah a siam leh ngei dawnna anhriat thu a sawi bawk.
He hunah hian AMFU General Secretary, Zion Lalremruata chuan sawrkara an thilphut te sawifiahna neiin Land Reform kalpui turin sawrkar hotu lian hrang hrangte an sawipui/nawr zing hle nia sawiin, Kuthnathawktute thlai tharchhuah man manzawk leh awlsam zawka an hralh theihna tur dan APMC Act/APLM Act 2017 hnuaia Regulated Market pawh sawrkar ah vawi tam tak an thlen tawh hnu pawhin tih hlawhtlin theih ala ni lo chuan AMFU te a ti beidawng hle tih a sawi a, nikum leh kumin-a Sawthing an chin pawh tunah hian hralhna mumal pawh hreloin kuthnathawktute an beidawng hle nia sawiin, hetihlaia sawrkar ala ngawi reng chu hriatthhiam har an tih thu leh hmalakna thar an hmuh loh chuan Mizoram puma AMFU hruaituten hmalak zel dan tur an la rel dawn tih a sawi bawk. Nimin a Aizawl-a Kuthnathawktute Chhanchhuana Kawngzawh-ah hian Mizoram District hrang hranga AMFU Member mi 300 chuang an tel nia thudawn a ni.

Comments

Popular News (Last 30 Days)