MCAB Branch thar I&PR Minister in a hawng

I&PR Minister, Lal Thanzara chuan nimin khan Aizawl Vaivakawn-ah Mizoram Cooperative Apex Bank (MCAB) Branch thar a hawng a. Heti hian Mizoram chhungah Apex Bank chuan Branch 18 a nei ta a, Aizawl khawpui chhung bikah Branch 9 a nei a ni.
MCAB Branch thar hawnna hunah hian I&PR Minister, Lal Thanzara chuan kum sawmhnih sawmthum kalta ah mi neinung te chauhin Bank Account an nei \hin emaw kan tih laiin tunah erawh chuan Bank Account neih pawimawhzia mipuiin kan hria a, sawrkarin mipui hnena \anpuina leh ham\hatna a sem te Bank kaltlang veka tih a nih hnuah phei chuan neih ngei ngei ngai a lo ni ta tih sawiin, Bank dinhmun leh pawimawhna a sang lehzual tawh a ni, a ti.
Tunhnai kum sawm chhungin Bank deposit a pung nasa nia sawiin Lal Thanzara chuan kum 2014-15 ah Mizoram chhunga Commercial Bank awm zawng zawngah Deposit cheng vbc. 5678.99 a awm a, kum ruk chhunga a punna hi za zelah 195.07 a nih thu a sawi bawk.

Popular posts from this blog

PAN CARD an tih teh fo hi - Laldinpuia