NSS dinchampha vawi 49-na lawmna hun H&TE Minister hova neih a ni

National Service Scheme (NSS), Mizoram chuan nimin khan an din champha vawi 49-na Aizawl Vanapa Hall-ah an lawm a, he hun hi Higher & Technical Education Minister, R. Romawia chu a hmanpui a ni.
NSS dinchampha lawmna hunah hian Higher & Technical Education Minister chuan NSS kaltlanga zirlaite hnenah midangte tana inpekna, mi dangte nena inngeih taka nun ho dan leh khawtlang that tlanna tur inzirtirna an kalpui chu thil \angkai leh hlawk tak a ni, a ti a. Mizoram chhunga NSS ten thisen pek chungchanga an tha thawh ropui a tih thu te, ram bua zel venna tur leh sik leh sa inthlak chak lutuk dolet nena thingphun leh thing ding sa enkawl kawnga an hmalakna te, vantlang mamawh in\awm - Zun In, Ek In, Chawlhbuk leh a dangte siam kawnga an tha thawh te, faina inzirtirna leh ram eichhe mektu chin \halo laka fihlim tura Awareness Campaign an kalpui \hin te chu chhuanawm a tih thu a sawi bawk.
NSS hi kum 1969- ah ding \anin State leh University thlan bikah volunteer 40,000 nen bul \an a ni a. Tun dinhmunah India ramah volunteer nuai 36 an awm tawh a. Mizoramah chuan kum 1972 khan Govt. Pachhunga Memorial College, tuna Pachhunga University College ni ta ah hian din \an niin kum 1996 a\ang khan College bakah Higher Secondary School zirlaite zingah din niin tunah hian Mizoram-a College 26 leh Higher Secondary School 58, a vaiin 84 ah NSS hi din a ni. Kum 2015 thleng khan NSS hi Centrally Sponsored Scheme a ni a, kum 2016 a\ang khan Central Sector Scheme-ah leh niin fund hi Central Sawrkarin za ah za a tum a ni. 
He huna tarlan a nih danin NSS hian kumin April a\anga September thla thleng khan NSS volunteers te hian Voluntary Blood Donation Camp \um 35 an huaihawt a, thisen unit 2534 an pe a. Thing\iak 2805 phun belhin Lengpui Airport kalkawng Sihhmui-ah Tourism Department nen \angkawpin Saron kung 300 an phun a ni a. Fai inzirtirna (Cleanliness drive) beihpui thlakin sawrkar leh khawtlang hmun pawimawh, Bazar, damdawi In leh khelmual te tifaiin tun thla ruk (6) chhung khan vawi 150 an hnatlang tawh a. Career Awareness, Human Rights, Sanitation, Legal Awareness, HIV/AIDS leh thil pawimawh dang inzirtirna vawi engemawzat an kalpui tawh bawk a. Thingtlang khaw hrang hrang leh khawpui chhungah Chawlhbuk, Zun In leh khawtlang tana thil pawimawh an siam \hin bawk a ni. 

Popular posts from this blog

PAN CARD an tih teh fo hi - Laldinpuia