Tuesday, 18 September 2018

STDC OB ten hmalakna tur hrang hrang an sawiho

Serchhip Town Development Committee (STDC) chu nimin zing khan \hukhawmin hma-lakna tur hrang hrang an sawiho.
Nimin zing-a Serchhip Town Development Committee OB \hutkhawm Serchhip Sub-Hqrs. YMA Office-a neih hi an Chairman, PC. Vanlalsawma chuan kaihruaiin Serchhip Chanmari Veng, Tarpi tlang chhim lama Nursing School tur sak zawh tawh chu hawn thuai a nih theih nan hmalak nise an ti a. Nursing School building tur sak hi zawhfel thawkhat ni tawh mah se enkawl zui a nih loh avangin tunah hian building \henkhat chu tihchhiat a ni tawh a, a chhunga bungrua an dah \henkhat te pawh nasa taka tihchhiat a ni tawh a, a panna kawng erawh \ha taka siam a ni tawh thung.
Hei bakah hian STDC OB Meeting hian Serchhip Bazar tual zauh a nih theihna tura hma an lakna pawh ngaihtuah lehin helai hmun zauhna tur huamchhunga YMA Building leh Serchhip-VII VC building awm bakah Martar lungphun te chu sawn a remchang thei dawn nia hriain lawm-awm an tih thu an sawi a.  Helai ram zauhna tur hian PWD SDO Quarters thlang 50 sq metres chuang laih zauh remtihna pawh PWD hotute a\angin hmuh a ni tawh a ni. STDC hian Bazar a\anga Lower Chanmari Veng panna kawng peng-\huam, K. Tlanglawma In bul tizau tura hmalakna pawh a hlawhtlin ngei a beiseiawm tih sawiin, a \ul anga hmalak zui zel tum a ni bawk.

Latest News

Central YMA Inthlan thuchah

CENTRAL YOUNG MIZO ASSOCIATION MIZORAM : AIZAWL INTHLAN THUCHAH 2018