STA General Assembly nei

Serchhip-a Zirtirtute intelkhawmna, Ser-chhip Teachers’ Association chuan nimin khan General Assembly neiin an pawl hruaitu tur thlanna an nei.

BNRGSK Hall, Serchhip P&E Veng-a Sercchhip Teachers’ Association (STA) General Assembly hi an pawl Vice President, C. Lalrammuana chuan kaihruaiin an pawl President, Lalduhawma Khiangte chuan Zirtirtu ten an thawhna ah \heuh Association an nei chunga Zirtirtu zawng zawngte telna pawl din a ni chu lawmawm a tih thu leh Zirtirtute lungrualna siamtu nia a hriat thu a sawi a. Amah chu nakum mai-ah Pension-a a chhuah dawn thu sawiin, hun lo kal zel turah pawh Zirtirtute chu he pawl-a tel chhunzawm zel tur leh \hahnem ngai taka thawk turin a chah a. Zirtirtute chu zirlai naupangte tana entawntlak nih a pawimawh thu a sawi bawk.

He hunah hian an pawl Secretary, Samuel Sai\huamliana leh Fin. Secretary, Lalramngaii Sailo hnen a\angin report ngaihthlak a ni a, report a\anga a lan danin STA-ah hian Serchhip-a zirna In 23 telin an pawl member 187 an awm mek a, kum kalta chhungin an pawl member boral awm lovin pension thlah mi 5 leh transfer mi 2 an awm bakah hna a\anga ban avanga thlah mi 9 an awm bawk a. Serchhip a\anga MCS-a inziaktling, Lal\hakima Chhangte s/o Biakkhuma (L), New Serchhip hnenah STA Award an hlan bawk.

Nimin a STA General Assembly-ah hian chawhnu lamah rorelna hun hmangin an pawl inkaihhruaina Dan hman mek engemaw zat siam\hat a ni a, hemi hnu hian hruaitu thlanna neih zui nghal a ni bawk.