Innovation Hub & Space Education Centre hawng

/
Chief Minister, Lal Thanhawla chuan nimin khan Mizoram Science Centre, Berawtlang-ah 'Innovation Hub & Space Education Centre' chu a hawng.
Innovation Hub & Space Education Centre hawnna hunah hian Chief Minister, Lal Thanhawla chuan National Council for Science Museums (NCSM), Ministry of Culture, Govt. of India leh Directorate of Science & Technology-te thawhona leh \hahnemngaihna raha Mizoram mipuite, abikin \halai leh zirlaite tana Centre \angkai tak ni tur hawn a ni thei ta chu lawmawm a tih thu a sawi a. Kawng hrang hrangah \halaite hmasawn theihna turin sawrkarin hma lak \hin thu leh ram tana mi \angkai leh chhuanawm, ram innghahna tlak dik tak an nih theih nan an thiamna leh talent te haichhuah sak a tihhmasawn sak mai bakah an tuina kawng an zawh ngei theih nan remchanna siam sak zel chu sawrkar duh dan a nih thu a sawi a. Infiamna lamah te, Skill Development te, Entrepreneurship lamah te leh Competitive Exam hrang hrang hmachhawn thei tura hmalakna ten rah a chhuah zel thu a sawi bawk.
He hunah hian Khualzahawm Planning Minister, Lalsawta pawhin Innovation Hub & Space Education Centre hawn avangin State-in Science leh Technology khawvelah bung thar a kai a, Science thiamna ah Mizoram in rual a pawl ve tawh viau a ni, a ti a. He hmun hi a bik takin a hmang \angkai ber turte chu zirlaite an nih tur thu a sawi a. Kum 2/3 kalta a\ang khan Science & Technology hian mite hmelhriat a hlawh ta hle chu lawmawm a tih thu sawiin, Ram hmasawn nana rilru leh ngaihtuahna senga thahnemngai taka thawk turin Innovation Hub & Space Education Centre thar hawnnaa kalkhawmte a fuih bawk. 
Innovation Hub & Space Education Centre sakna leh a chhunga khawl leh hmanrua hrang hrangte atan hian NCSM chuan cheng nuai 386 a seng tawh a. Heng senso zawng zawng hi NCSM, Govt. of India chuan a tum vek a. NCSM chuan Innovation Hub chu kum thum (3) chhung enkawlna tur a tum tel bawk anga. A sak hna hi Mizoram PWD hnuaiah thawh a ni.
Innovation Hub hi High School leh Higher Secondary School zirlaite, Polytechnic leh ITI zirlai ten khawl \angkai leh thil hrang hrang siam nan an hman leh zir theih nana duan a ni a. Space Education Centre hi zirlai leh a tlawhtu mipui ten vanlam chanchin an zirna tur leh hriatna tizautu tura siam a ni. Innovation Hub-ah hian zirlaite hman \angkai turin Physics, Chemistry, Biology Mechanical, Electrical & Electrinics Laboratory te a awm a. Lecture Room te awm bawkin, Innovation Resource Centre, Thod-Phod Jod, Robotics Section, 3D Printer, Hall of Fame leh Multimedia Kiosk te a awm a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »