Latest News

Saitual khua ah mipui ten an bialtu MLA R. Lalzirliana ropui takin an lawm

Saitual District tihpuitlin a ngiat vanga Home Minister a nihna a\anga bang leh chumi hnua Congress in an party a\anga an hnawhchhuah tak - |awi Assembly Constituency MLA nilai, R.Lalzirliana chuan nimin khan Saitual lutin Saitual District Implementing Demand Committee huaihawtin Saitual bial mipuiin ropui takin an lo hmuak.

|awi bialtu MLA, R. Lalzirliana hi a fapa, Sangtea Memorial Volleyball Tournament Final khelh hmanpui tura kal niin lirthei nen Keifang-ah lo hmuah niin hemi hnu hian Saitual Auditorium-ah amah chawimawina inkhawm hi neih zui a ni. Nimin a amah chawimawina inkhawm ah hian R. Lalzirliana chuan a bial mipui te duh ang a tihsak loh avanga ngihdam dil tur a nih thu sawiin, hetianga an lo hmuak chu a phulo tih a sawi a. “District kan duh em em a, ka bialte natna hi ka natna a ni a, in \ahna hi ka \ahna a ni tih lantir nan Minister nihna sang tak a\angin ka bang a ni,” a ti a. “District min pe thei tur sawrkar siam turin Saitual bial mipuite kan \anrual a ngai a ni, politics-a ka mitmen chhungin District hi kan hmu ngei ang’ a ti bawk.
SDIDC Chairman, Rohmingliana kaihhruai he hunah hian R. Lalzirliana chuan District Reorganisation Committee-in Cabinet-a an thu thlen an ngaihtuah chungchang pawh sawiin, Cabinet Minister zawng zawngin Saitual District tihpuitlin chu \ha an tih laiin, Saitual bial mipui hmaa ‘Keini chuan District fuke kim kan pe ang che u’ titu Chief Minister Lal Thanhawla chu ‘Ka hman lo’ tia a chhuah daih thu a sawi a, hemi hnu hian ngaihtuah ho a awm tawh ngai loh thu leh sawipui theih pawhin a awm tawh lo niin a sawi.
Tunhnaiah Media hmaah Chief Minister-in ‘District hi hmuia pek chi a ni lo’ tih thu a sawi chu chhangin R. Lalzirliana chuan, “District hi hmui in, kan ka-in inpek a ngai a, thu chu tisa-ah a chang tur a ni,” a ti a. “Central a\anga pawisa lo kal hi kan duh duhna ah kan hmang thei a, chu chu Finance Minister Pu Lalsawta kutah a awm vek a ni,” a ti. “INC hotu lawk pathum - Rahul Gandhi leh Chief Minister ho-a kan lo tiam tawh District hi min pek ve mai ka beisei a, theihtawp ka chhuah a, beiseina sang tak ka nei a, Pu Lal Thanhawla hotu a nih chhung chu Saitual in District kan hmu dawn lo tih a chian tak avangin Cabinet Minister a\angin ka bang a, Congress party chauh hi District pe theitu an ni lo tih hi kan zavai hian kan hriat ka duh a ni,” a ti bawk.

Comments

Popular News (Last 30 Days)