MRB Bank Day hmang

Nimin Sept. 27, 2018 kha Mizoram Rural Bank (MRB) din champha ‘BANK DAY’ vawi 36-na a ni a. He ni pual hian MRB Serchhip Town Area-a Branch hrang hrang-MRB Serchhip, MRB New Serchhip leh MRB Chhiahtlang Branch te chuan Customer te tan ei leh in siamin hun an hmang a, Tlai lamah a huhovin hnathawktute’n hun an hmang bawk.
Nimin a Bank Day pual hian Mizoram Rural Bank chuan anmahni dawr \hintu zawng zawngte chibai bukin an dawr \hin avangin lawmthu an sawi a. Nimin tlaia MRB Serchhip Town Branch pathum te hun hman hi MRB Serchhip Branch Manager, Francis Lalhmun-sanga chuan kaihruaiin Bank-a thawkte fuihna thu a sawi a, Bank-a thawk te chu mipui rawngbawl an nihna inhre reng turin a chah bawk.
Mizoram Rural Bank hian tun dinhmun ah Branch 85 neiin, Head Office leh Regional Office pakhat ve ve a nei a, Mizoram hmun hrang hrang, District Capital tinah leh RD Block tinah inzarpharhin hna an thawk mek a, Prime Minister Social Security Schemes hrang hrang bakah Sawrkar Scheme hrang hrang- PMEGP, PMAY, NREGA, NLUP leh a dangte te pawh Bank kaitlangin tih hlawhtlin mek zel a ni.

Popular posts from this blog

PAN CARD an tih teh fo hi - Laldinpuia