ILP neilo hnamdang 12 te District Jail-ah dah an ni

/
Tunhnai zan 2-a ILP enfiahna neih ah Ser-chhip-a hnamdang mi 12 te chuan ILP an neilo tih finfiah niin Court-a hruai an nih hnuah District Jail-ah khung an ni.
Serchhip Police leh Serchhip Sub-Hqrs. YMA te chuan nizan hmasa khan Serchhip khawpui chhung leh District chhung hmun \henkhat ah hnamdang Mizoram-a cheng te enfiah hna thawkin dan lova Mizoram-a awm mi 19 manchhuah an ni a, heng hnamdangte hi Serchhip Police Station-ah hruai niin an zinga mi 13 te chuan ILP hi an buaipui mek tih lehkha an neih theih avangin chhuah leh nghal an ni a, midang 6 te erawh chuan engmah an neih loh avangin nimin khan Serchhip District Court-a hruai an nih hnuah District Jail-ah khung nghal an ni.
Serchhip Police te hian Nilai zan khan Serchhip khawpui chhunga ILP enfiah hna hi an lo thawk tawh bawk a, hetah hian hnamdang mi 6 te chu ILP nei lovin Mizoram-ah an khawsa tih hmuhchhuah niin niminpiah khan Serchhip District Court-ah hruai an nih hnuah District Jail-ah khung an ni bawk a ni. Nizan hmasa a Police leh YMA in ILP an enfiah rual hian Mizoram hmun-dangah pawh ILP hi enfiah niin hriat theih chinah ILP neilo hnamdang 873 manchhuah an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »