Kolasib-ah MNF Party Office hawn a ni

MNF President, Zoramthanga chuan nimin khan Diakkawn Kolasib-ah Kolasib-a MNF Office thar a hawng a, MNF Party zawm thar mi engemaw zat a lawmlut nghal bawk.

Nimin a Kolasib-a MNF Office hawnna hunah hian MNF President, Zoramthanga chuan kumin January a\ang khan Nomination an siam tih sawiin, “Congress-ho chuan hman ni lawkah siam vein an buai hle a, bul an \an ve chauh a, keini chuan kan zo \ep tawh, Nomination chungchangah ringawt pawh kan infelfai hleih hle a ni,” a ti a. “Mizoram BJP ho chuan a lehlam pawlin an President lim an hal a, ZPM lah party ni lo Forum chauh an ni a. An hming chauh a ropuiin a lian a, an thusawi ngaithlatu pawh an inhmu zo mang lo. ZNP leh MPC awm tawh manglo te hi an innghahna an ni a, an tan sawrkar siam ngaihna a awm lo,” a ti bawk. MNF President chuan Pathian leh mipui zarah an sawrkar ang a, SEDP hmangin mipui eizawnna ngelnghet siam an tum tih sawiin, “Sum tam tak SEDP-ah kan mamawh dawn tih kan hria a. Keini chuan budget hi a chi-ah chauh kan hmang ang, Central-ah budget piah lamah sum tam tak a awm a, keini chuan a haichhuah dan kan hre em em a, NLUP chu budget a\ang chauhin an sem a. Zoram tana malsawmna haichhuak tur hian a ram neitu MNF hi Pathian in min hmang dawn a ni,” a ti bawk.