NLUP-NEDP kaltlangin ranvulh \anpuina sem a ni

Serchhip-a AH&Vety Department chuan NLUP-NEDP Convergence Scheme hmangin nimin khan ranvulhtu tura thlan te hnenah \anpuina thawhkhatna an sem a ni.

AH & Vety Department in NLUP-NEDP Convergence Scheme kaltlanga ranvulhtute hnena \anpuina semna inkhawm Serchhip P&E Veng YMA Hall-a an buatsaih hi Serchhip District Vety Officer, Dr. C. Zarzokima chuan kaihruaiin intiamkamna leh APR te sign tir an ni a, he hunah hian Dr. H. Vanlalrawna, Veterinary Officer chuan \anpuina dawngtute sum hman dan tur zirtirin he \anpuina hi mi pakhat ah Rs. 100,000/- zela pek tur a nih thu leh tun \umah hian 1st Instalment Rs. 50,000/- pek an nih dawn thu sawiin, he sum hmanga an hmalak dan tur a sawifiah a.Dr. R. Lalmak-thanga, Chief Veterinary Officer chuan ranvulhtute tan ran In sak dan zirtirna a pe ve leh bawk.

Serchhip-a NLUP-NEDP \anpuina sem rual hian North Vanlaiphai-ah pawh Dr. Rosangzuala hova hun hmangin Chhingchhip-ah Dr. Biaklianzuali leh Thenzawl-ah Dr. Lal-muanpuia Samte hovin hun hman a ni bawk a, heng bakah hian Vety Centre awmna khaw hrang hrang- Baktawng, Chhiahtlang, Bung-tlang, Khawlailung, East Lungdar leh Lungpho-ah te pawh \anpuina sum hi semin ran In sak dan inzirtirna neih nghal a ni bawk.

Serchhip District-ah hian Bawnglian vulh thlangtu mi 4 awmin Tlang Bawng vulh thlangtu mi 26, Sial vulh thlangtu mi 48, Vawkvulh thlangtu mi 269, Ar vulh thlngtu mi 185 leh Kel vulh thlangtu mi 1, an vaiin beneficiary 533 an awm a, \anpuina thawhkhatna sem zawng zawng hi Rs. 265,30,000/- a ni.

Nimin vek khan NLUP Line Department dang- Sericulture, Agriculture, Horticulture Department leh Soil Department te pawhin an Department hnuaia NLUP dawng tura thlan te hnenah \anpuina an sem nghal bawk.