MPCC Vice President Congress Party a\angin tiamchin awm lova hnawhchhuah a ni

Mizoram Pradesh Congress Committee (MPCC) Vice President leh Home Minister a\anga bang ta, R. Lalzirliana chu Congress Party a\angin tiamchin awm lova hnawhchhuah a ni ta a.

Tunhnaia MPCC Disciplinary Action Committee in insawifiah tura an tihna a chhan loh hnuah nimin khan MPCC Disciplinary Action Committee hian R. Lalzirliana chungchang hi ngaihtuahin hemi hnu hian lehkha thawnin an party a\anga hnawhchhuah a nih thu hi an hriattir a. He lehkha ah hian Disciplinary Action Committee ten Show Cause Notice an pek chungchang chu chhan tlaka a ngaih loh avang leh Home Minister a\anga a ban hnua pawh Press mite hmaah an Party (Congress) inkaihhruaina, inlungrualna, inpumkhatna leh thawhhona tichhe thei zawnga thu a thehdarh zel avangin MPCC Constitution Article X tlawhchhanin Congress Party Member a\ang hian nimin a\anga tiamchin awm lovin hnawhchhuah a nih thu a tarlang a. He lehkha ah hian C. Lalpianthanga, Chairman, Disciplinary Action Committee, MPCC chuan hming a sign hnan a ni.

Hetihlai hian |awi bialtu MLA, R. Lalzirliana hian Vawiin hian Saitual a tlawh dawn a, hetah hian Saitual District Implementing Demand Committee (SDIDC) huaihawtin ropui taka lo hmuah tum a ni a, hemi chungchanga thudawnna in a sawi danin Saitual District function ngiata Cabinet Minister a\anga R. Lalzirliana a bâng ngam chu SDIDC chuan huaisenthlak a tiin chawi-mawi tlakah a ngai a. Khawpum huapa lo hmuah relin zirna In leh Office zawng zawng pawh khar vek an rel a, chawhma dar 11:30-ah Saitual Bazar Shed-a bialtu MLA lawmna ah tel vek turin an sawm bawk a ni.

Tarlan tawh angin |awi bialtu MLA, R. Lalzirliana hi tunhnai khan MPCC Disciplinary Action Committee chuan insawifiah turin an ti a. Amaherawh chu insawifiahna hun an pek tawp Ni-ah pawh insawifiah lovin Minister a nihna a\anga banna a thehlut ta zawk a. Hemi hnu hian MPCC Disciplinary Action Committee hian insawifiah tura an tihna a chhan loh avangin Party a\angin an hnawtchhuak ta a ni.