Sailulak khua ah Community Hall sak thar hawng

Hrangturzo bialtu MLA, Vanlalawmpuii Chawngthu chuan nimin khan a bial chhung Sai-lulak khuaah BADP sum cheng nuai 8 hmanga Community Hall (Zakapa Hal) sak thar leh Community Centre Building sak thar te a hawng.
Sailulak khuaa Community Hall hawnna hunah hian bialtu MLA chuan sawrkarin hmasawnna tam tak min thawh sak zingah Community Hall leh Community Center hawn theiha a awm chu bialtu MLA a nih angina lawmawm a tih thu a sawi a. Sailulak khuain faina kawnga nasa taka hma an la chu lawmawm a tih thu sawiin, khaw fai an nih avanga mite tlawh chak khua ni ngei tura \an la zel turin a chah a. Kan hma lawkah MLA inthlanpui kan nei dawn tih sawiin, khua leh tui kan nihnaa kan tih ngei tur chu vote thlak a ni tih hre thar turin he huna kalkhawmte chu a chah bawk.
Hall thar hawnna hun hi East Lungdar BDO, Dorothy Muansangi chuan a kaihruai a, he hunah hian East Lungdar BDO Office-a JE, Rebecca Lalhmingthangi chuan Technical Report a pe a ni. He hunah hian bialtu MLA hi Vanlalngaihsaka, Registrar, Co-Operative Societies leh ARCS Serchhip ten an \awiawm a ni.

Popular posts from this blog

PAN CARD an tih teh fo hi - Laldinpuia