Friday, 14 September 2018

Sawrkar hmalakna hrang hrang puanzarna hun I&PR Deptt. bultumin Serchhip-ah neih a ni

Mizoram sawrkar-a Information & Public Relations Department bultumin nimin khan Serchhip DC’s Conference Hall-ah NEDP-Multi Media Publicity Campaign neih a ni a, he hun hi I&PR Director, David L. Thangliana chuan khuallian niin a hmanpui a ni.

Mizoram sawrkar-a Department hrang hrangte hmalakna inhrilhhriatna hun Serchhip DC’s Conference Hall-a neih ah hian Khuallian I&PR Director, David L. Thangliana chuan hetianga NEDP-Multi Media Publicity Campaign (Public Information Campaign) hi nikum lam a\anga buatsaih tuma hma an lo lak tawh thu leh tunah hian District \henkhat ah chuan neih a nih tawh thu sawiin, he hun hi NEDP hnuaia hmalakna chauh ni lovin sawrkar hmalakna hrang hrang puanzarna hun tura ruahman a nih thu a sawi a. Sawrkar Department ten mipuite ham\hatna tura hma an lakna hrang hrangte mipuite hriat theih tura puanzar chu a tum ber a nih thu sawiin, sawrkar hnathawk tam ber te chuan ram hmasawnna atan hna an thawh thu leh heng an hnathawh \ha te hi mipui ten an hriat tura puanzar a nih loh chuan an hnathawh \hatloh chauh a lar \hin thu leh hnathawktute tan pawh tui taka thawh a har \hin thu a sawi a. Heng sawrkar hmalakna te hi Sawrkar Department leh MJA te pawhin sawihona neiin a hmunah te pawh tlawh \hin se an duh thu sawiin, Print Media leh Electronic Media-ah te pawh puanzar \hin a pawimawh thu a sawi bawk.
He hunah hian Serchhip SDO (Sadar), R. Vanrengpuia pawhin Serchhip District chhungah hmasawnna hnathawh a tam em em tih sawiin, “Infrastructure lama kan \han nasat ziate hi chhuanawm tham a tling a ni, nimahsela mumal tak chung kan hmasawnna te han inhrilhhriata, khawtlang hruaitu hrang hrang te nena han sawihona te neih a ni ngai lem lova. Vawiinah hetiang hun \ha tak mai I&PR Department lamin an rawn buatsaih hi lawmawm ka ti a, Serchhip District ngai pawimawha Department hotu lu berin min rawn hmanpui hialte hi kan lawm hle a ni,” a ti bawk.
Nimin a he hun hman kaihruaitu I&PR Joint Director, Lalnunkima chuan sawrkar in Scheme hrang hrang hmangin mipuite tan hna a thawh \hin thu leh heng hnathawh te hi mipui ten an hriat loh chuan lungawilohna te pawh a awm \hin thu a sawi a. Chutiang a nih avang chuan hetianga mipuite hriat theih tura sawrkar Department te hnathawh puanzar hi sawrkar chuan \ul a tih thu a sawi bawk.
Nimin a NEDP-Multi Media Publicity Campaign ah hian sawrkar Department 10 ten an hmalakna hrang hrangte a lem nen entirin an sawifiah a. PWD hnuaia hmalakna hrang hrangte chu Lalduhzuala, SDO PWD Serchhip Division in sawifiahin Er. F. Lalsanglura, Sr. EE, PHE Serchhip WATSAN Division in mipuite tui thiang-hlim pekna tur leh faina kawnga an hmalakna te a tarlang a. National Health Mission hnuaia hmalakna te Deborah Vanlalchhuangi, DPM chuan sawifiahin RMSA hnuaia zirna hmasawnna tura hmalakna te PC. Vanlalluna, Dy. DPC, RMSA in a sawifiah a.
UD&PA Department hnuaia hmalakna hrang hrangte District Urban Development Officer, Vanthangpuii chuan sawifiahin Sericulture Department hnuaia hmalakna te pawh District Sericulture Officer, V. Zothansanga’n a sawifiah a. Industries Department hnuaia hmalakna te Elizabeth Lalremthangi, Functional Manager in sawifiahin Horticulture Department hnuaia hmalakna te M. Vanlalzami, DHO in a sawifiah a, District Agriculture Officer James Lalsiamliana’n Agriculture Department hmalakna a sawifiah bakah Dr. R. Lalmakthanga, Chief Veterinary Officer chuan AH & Vety Department hnuaia hmalakna te a sawifiah bawk.
He hun hmanna ah hian Serchhip khaw-tlang hruaitute bakah tlawmngai pawl hrang hrang aiawh leh thuthar thehdarhtute an tel a ni.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...