MSRLM hnuaia AGEY hmalakna kaltlangin SHG te hman tur Motor 30 zet CM in a vailiam

Mizoram State Rural Livelihoods Mission (MSRLM) hnuaia Scheme pakhat, Aajeevika Grameen Express Yojana (AGEY) hmalakna in nimin khan Chief Minister, Lal Thanhawla chuan Self Help Group (SHG) thawk \ha thlanchhuahte hman tur motor 30 chu Tlangnuam BDO Pisa, New Secretariat Complex a\angin a vailiam. 

Self Help Group (SHG) thawk \ha thlanchhuahte hman tur motor 30 vailiamna puala inkhawm tawi neih ah Chief Minister, Lal Thanhawla chuan Mizoram-a Self Help Group te chu khawtlang leh chhungkaw tan an \angkaiin, a bik takin hmeichhiate tan an intundinna kawng \ha tak a nih thu sawiin, an thawh \hat avanga Self Help Group 30 ten lirthei an dawng chu a lawmpui thu a sawi a. SHG-te chu mimal leh khawtlang tan mai bakah ram leh hnam tana thawktu anni tih hre reng chungin an thil dawn pawh \angkai taka hmang chhunzawm turin a chah a. Chutiang chiah chuan sawrkara thawktute pawh rinawm taka an hna puitlin zel tura chahin, Sawrkar hnathawkte an thawh \hat \hin thu leh, RD Department chuan tun kum hnih chhunga National Level Award engemaw zat an dawng chu lawmawm a tih thu a sawi bawk.

Kuthnathawktute, mi harsa leh chhumchhiate chawikan chu ram hmasawnna atana a pawimawh thu pawh sawiin Chief Minister chuan, chumi tihlawhtling tura NLUP kaltlanga sawrkarin hma a lakna te a sawi a. NLUP chu a dawngtute zinga hmang \halo tlem te tih loh ah chuan a hlawhtlin viau thu leh, state dangte tan pawh entawntlak a nih thu sawiin, NLUP hlawhtlinna thual tura policy thar duan, NEDP pawhin hlawhtlinna hmu chho zelin, India hmarchhak State dang Chief Secretary-te pawh NEC in zirchiang tura a hrilh hial thu a sawi bawk.

Nimin a AGRY motor 30 vailiam puala inkhawm buatsaih hi Lalhmingthanga, Commissioner & Secretary, Rural Development Department chuan kaihruaiin Motor vailiam tak te hi Mizoram RD Block 7 - Siaha, Zawlnuam, West Phaileng, Ngopa, Thingdawl, East Lungdar leh Sangau a\anga Self Help Group thawk \ha thlanchhuah 30 te hnenah pek a ni a. Rural Development Block pakhat tan motor 4 (pali) zel ruahman a ni a, West Phaileng, Zawlnuam Block te hi Aspirational District huamchhunga awm an nih avangin Motor 5 (Panga) ve ve ruahman sak an ni thung a. AGEY motor hi 2017-18 khan Tipa, Serchhip leh Bilkhawthlir RD Block-ah motor 18 pekchhuah a lo ni tawh bawk a ni.

AGEY hian a thil tum chu Deendayal Antyodaya Yojana - National Rural Livelihood Mission (DAY-NRLM) hnuaia awm thingtlang khua, inkalpawh harsatna a cheng SHG’s member ten an chhawr \angkai tur leh sum lakluh hmanrua tur, vantlang in \angkai taka veivahna lirthei an neih theihna tur pek/ruahman leh DAY-NRLM hmang \angkai a, thingtlang a cheng ten an khaw mil tur, vantlang in an enkawl tur, mipui veivahna tiawlsam tur (Bazar, zirna in, damdawi In etc. kalna atana \angkai) leh an khaw chhehvel ei leh bar hmasawnna thlen thei tu tur lirthei (rural transport service) ruahman sak te a ni.

AGEY programme hnuaiah hian DAY-NRLM scheme atanga Village Organisation (VO -  Khaw khat SHG member a\anga thlan-chhuah hruaitu intelkhawmte) te hnena sum pek Community Investment Fund (CIF) chu AGEY programme tih hlawhtlin nan, VO in SHG hnenah Motor lei nan pung awm lovin Loan cheng nuai 6.5 puk tirin hei hi AGEY CIF tih a ni a. Cheng nuai 6.5 aia to Motor lei nan sum mamawh belh a awm a nih chuan Bank loan puk leh theih a ni a. Motor hi Three Wheeler, Four Wheeler (goods 85 passenger vehicle) an khaw mamawh mil tur ang thlan theih a ni. Loan hi thla 72 chhunga rulh ngei tur a ni thung. Loan puk dawn ah Business plan (6 years) felfai tak SHG ten an siam a ngai bawk a, Block Mission Management Unit in a enpui bawk a ni.