Assembly inthlanpui neih turah Lalduhoma’n Serchhip bial-ah din a tum thu a sawi

Zoram Peoples’ Movement (ZPM) |angrual Pawl chuan nimin khan New Serchhip YMA Hall-ah Workers Meet-cum-Political Training neiin he hun hi ZPM Chief Ministerial Candidate, Lalduhoma chuan a rawn hmanpui a. Assembly inthlanpui neih turah Serchhip bial ah a din dawn thu a sawi bawk.
Nimin a ZPM in Workers Meet-cum-Political Training an buatsaih ah hian ZPM Chief Ministerial Candidate, Lalduhoma chuan kan hma lawka Mizoram Assembly inthlanpui lo awm turah Serchhip Assembly Constituency-a din a tum thu leh Aizawl West-I bial nena ding kawp tura tih a nih thu a sawi a. Inthlanpui hmasa ah bial pahnih ah alo din tawh thu leh a dinna bial chauha insawrbing thei a nih loh avanga a tlin zawh takloh thu leh tun \umah erawh a dinna bial ah te hian theihtawp chhuah a tum thu a sawi a. Serchhip bial-a din a tum chhan sawiin, Bible chang, 'Khandaih te, Thal te, Fei te kengin i lo thawk a; kei zawng Engkim Lalpa, Israel-te Pathian, i cho hmingin ka lo thawk a ni' tih chu a innghahna a nih thu a sawi a. Serchhip-a ZPM CM candidate ding tur hian Serchhip District ZPM Block leh Unit hrang hrangte’n ZPM thuneitu sangah ziaka an thlen thu leh, hnial an nih chung pawha ding ngei tura duhna a len em vangin a ding dawn ta tih a sawi bawk.
Lalduhoma chuan Serchhip-ah ZPM in hruaitu \ha tak tak, khawtlang leh Kohhran a mi \ha tak tling an nei chu lawmawm a tih thu sawiin, Local Body te thuamchak lehzual an ngai nia a hriat thu a sawi a. Serchhip Bial tan 'Bial Manifesto' siam a nih dawn thu sawiin, Vote zawnna atan chauh ni lo, an lo sawrkar a nih pawha an tih theih ngei tur leh tih an tum turte chauh ziah a nih dawn thu a sawi a. ZPM chuan inthlanpui atan bial 2/1 chauh tihloh chu Bial viltu tur an tihfel tawh thu pawh sawiin, harsatna lian an tawk lo tih a sawi a. “Pu |hena hi a boral hnu hian thusawi tir zel a, parthi awrhtir hi kan tum tlat a ni.” a ti bawk.
Nimin a ZPM Workers Meet-cum-Political Training hi ZPM Serchhip District President, V. Rozamliana chuan kaihruaiin Local Body hrang hrang te a\angin report ngaihthlak a ni bawk a, ZPM Serchhip District-a Secretary, Kapliana Pachuau chuan report pein Serchhip khawpui chhungah Local Body 10 leh |halai Block din a nih tawh thu sawiin, Bungtlang, Thenzaw leh Chhiahtlang-ah te Local Body an din tawh thu a sawi bawk.

Popular posts from this blog

PAN CARD an tih teh fo hi - Laldinpuia