Latest News

Mizoram in Food Processing lamah hmalam hun eng a nei - Larsap

Mizoram Larsap, Kummanam Rajasekharan chuan Mizoram chu thei leh thlai chi hrang hrangah a hausa tih sawiin, Food Processing lamah a hmalam hun a eng a ni, a ti.
ASSOCHAM, Ministry of Food Processing Industries (MoFPI), NABARD leh Mizoram University \angkawp in nimin a Aizawl-a Regency Hotel-a ‘Conference on Startups and MSMEs in Food Processing’ an buatsaih khuallian nia a hmanpuina ah he thu hi sawiin Larsap, Kummanam Rajasekharan chuan kan khawsak phung danglam avangte, chak lak tur remchang leh sawrkar policy avangte in Startups and MSME te tan Food Processing Sector-ah hmasawnna tur a tam phah hle a ni, a ti a. Food processing industry chu India economy tana thawhhlawk berte zing ami a nih thu leh mi tam tak tan eizawnna a siam thu sawiin, Agriculture leh Industry te thlunzawmtu pawimawh tak a ni, a ti bawk. Larsap chuan Kerala-a Agriculture kaihhnawih Board hrang hrang hotute chu a lo biak tawh thu leh anni pawhin Mizoram Food Processing Sector tichangtlung tura puih an inhuam thu a sawi a. Food Processing Industry chu Mizoram tana sum lakluhna \ha tak a nih tur thu leh ei bar intodelh kawnga hmalakna \ha tak a nih thu a sawi a. ASSOCHAM hmalakna chu fakin, Food Processing-ah hmasawn turin eng harsatna te nge kan neih a, a huhoa hmalak dan tur kan ruahman thei dawn a ni, a ti bawk.
He hunah hian Khual Zahawm Prof. KRS. Sambasiva Rao, Mizoram University-a Vice Chancellor chuan Mizo \halai leh helama tuimi te tana exposure pawimawhna sawiin, he hun an buatsaih hian Technology leh Scheme awmte an hriat phah dawn bakah mahni kutkawiha eizawngte pawh Food Processing Industry kalphung a hriattirin, a chawk phur dawn a ni, a ti. Technological and Innovation Park din tura State sawrkar hnena ruahmanna a lo thehluh tawh thu sawiin, hei hian ram hrang hrang a\anga industry-te Mizoram-ah a hip in, mi tam tak tan eizawnna a siamsak thei dawn a ni, a ti bawk.
He Conference-ah hian RK. Srivastava, General Manager, NABARD Mizoram chuan mahni kutkawiha eizawngte tana sum \anpuina leh Assistance awmte a sawi a. Dr. KP. Chaudhary (Senior Scientist and Head), KVK, College of Veterinary Sciences and Animal Husbandry, Central Agricultural University, Selesih pawhin Conference thupui hmangin thu an sawi bawk.

Comments

Popular News (Last 30 Days)