Latest News

Mizoram Road Fund Board \hutkhawm nei

Mizoram Road Fund Board (MRFB) chu nimin khan Chief Minister’s Conference Hall-ah PWD Minister, Lal Thanzara hovin an \hukhawm.
He \hutkhawm ah hian Mizoram Road Fund Board (MRFB) Member Secretary, Lalram Thanga chuan Mizoram Road Fund Rules, 2017 tlawhchhanin MRFB hi din a nih thu sawiin, PWD hmalakna leh ruahtui vanga harsatna te a tarlang a. MRFB in Fund Source & Collecting agent-a thlanchhuah - Transport Department, Taxation Department, PWD, Home Department, Environment Forest & Climate Change, Geology & Mineral Resources leh AMC a\angin Cess, Tax, Fees, Royalties leh Fines hmangin kawng enkawl nan sum chhunkhawm a nih thu a sawi.
He Meeting-ah hian kum 2018-2019 chhunga kawng enkawlna tur atana sum hman dan tur rel a ni a. Normal maintenance - kawng khuar khuh \hatna, leimin thenfai, kawng ko samfai, kawng bal leh culvert siamthat, Lei thawm\hat, khawl enkawlna leh kawng enkawlna hna hautak zawkte thawh nan 1st leh 2nd quarter atan cheng nuai 224.9 ve ve dah a ni a, hei hian kawng 5137.532 kms a huam a ni. 3rd leh 4th Quarter-ah cheng nuai 224.90 ve ve dah a ni leh a. Quarter li (4)-na a normal maintenance atana hman tur sum awm zat hi a pawm a ni a, PWD Action plan cheng vbc. 29.36 dah pawh pawm a nih bakah PMGSY hnuaiah Division hrang hrang-NH. Div-I, NH. Div-V, Khawzawl, Mamit, Saitual, Lunglei, Hmuifang, Champhai, Lawngtlai, Siaha, Tlabung, Kawrthah in hna an thawh nan cheng nuai 135.09 dah a ni a, hei pawh hi Board chuan a pawmpui bawk.
Tun dinhmunah Mizoram-ah hian KM 7593.5-a thui kawngpui kan nei mek a, hemi hnuaiah hian National Highway KM 1424.5 niin State Road hi KM 4663 a ni a. Border Road Organisation (BRO) hnuaiah KM 897 kawngpui enkawl niin Central PWD hnuaiah KM 176 kawngpui enkawl a ni a, hemi bak KM 433 a thui kawngpui Department/Organisation dangin an enkawl a ni. Mmizoram State PWD hian KM 4663-a thui kawngpui a enkawl mek a, Demand For Grants 2018-2019 a\angin cheng vbc. 50 chu heng kawngpui KM 4663-a thui enkawl nan hian dah a ni.
Mizoram Road Fund Board (MRFB) hi kum 2017 khan din niin MRFB Executive Committee, PWD Principal Secretary kaihhruaina hnuaiah din a ni a. Mizoram Road Fund Board (MRFB) in chak zawka hna an thawh theih nan Secretariat hran ruahman a ni a. MRFB hian State budget hnuaia sum hmuh hmanna tur te, kawngpui \ha zawk a awm theih nana ruahmanna siam te, kawng chhe zawk thuam thatna tura hmalakna tur te an sawiho a ni. 

Comments

Popular News (Last 30 Days)