Serchhip District-a PRISM Candidate tur puangin Serchhip bial-ah an President a ding dawn

PRISM Party chuan kumin a Assembly inthlanpui lo awm tura Serchhip District chhung Assembly bial pathum (3)-a an Party Candidate turte puanna nimin khan Serchhip Bazar-ah neiin PRISM President, Vanlalruata chu Serchhip bial-ah a din dawn thu an puang.

Serchhip Bazar tual-a PRISM Party in Assembly inthlanpuia an Party candidate turte puanna hun an buatsaih ah hian PRISM Party Sr. Vice President, Dr. H. Lallungmuana chuan Serchhip District chhung Assembly bial pathum (3)-a an Candidate turte hi puangin 26-Serchhip AC-ah PRISM Party President, Vanlalruata chu dingin 27-Tuikum AC-ah RC. Rohmingthanga, PRISM Party-a Dy. Chief Organiser chu a ding anga, 28-Hrangturzo AC-ah RL. Liantluanga, PRISM |halai President chu a ding dawn bawk a ni. He hunah hian Dr. H. Lallungmuana chuan Mizoram State budget zinga zaa 90 vel chu sawrkar hnathawk hlawh leh inrelbawlna atan hman a nih thu sawiin, zaa 10 vel chauh hmasawnna hna thawh nana hman a nih \hin thu sawiin, he kan kalphung mek hi kan thlak a nih loh chuan kan aia hniam zawka kan ngaih \hin State dang ten min lehpel mek tih a sawi a, heng kan kalphung diklo te hi thlak turin PRISM Party chuan eirukna do pawl anga hma lain pawnlam a\anga hma an lak \hin thu leh amaherawh chu awmzia a neih theih loh avangin a chhung a\anga siam\hat hna thawk turin PRISM chu Political Party anga din a nih tak thu a sawi bawk.
PRISM Treasurer, HK. Liansawta kaihhruai he hunah hian Serchhip District chhunga Assembly bial pathum-a PRISM Party Candidate turte hian thu an sawi a, PRISM Party President, Vanlalruata chuan Serchhip bial in hmasawnna a neih chu mipuite pawhin an duh ngei a rin thu sawiin, tunah hian bialtu MLA, mi ropui tak kan nei chung pawhin hma kan sawn si lo tih a sawi a. Serchhip bialtu MLA leh Chief Minister chu an hruaitu ten ram hruai tlakah an ngaih tawh loh avang leh mi pangngai ni tura khing thla tura an duh avangin amah khing tura an dah tak thu a sawi a. Mizoram sawrkar Budget zinga zaa 10 vel chauh hmasawnna atana a nih avanga hma kan sawn theihloh thu pawh sawiin, tu pawh sawrkar se he kalphung hi thlak a nih loh chuan tuna kan harsatna te hi sutkian a ni dawn lo tih a sawi a. PRISM Party chuan he kalphung hi thlak tura hma an lak dawn thu sawiin, kan ram tichhetu ber eirukna dona kawngah nasa taka hma an lak dawn thu leh eirukna a inhnamhnawih an nih chuan Chief Minister hlui pawh an man dawn thu a sawi bawk.
PRISM Party President chuan sawrkar-na an chang a nih chuan hmalak an tumna \henkhat te pawh sawiin, District tihzauh leh tih puitlin an tum thu te, Mat Lui-ah Permanent Bridge dawh an tum thu te, Serchhip leh Champhai inkar kawngpui hnai leh \ha zawk siam an tum thu te, ITI leh Polytechnic din an tum thu te, UPSC, SSC leh MPSC Exam Coaching Centre din an tum thu te, Serchhip leh Thenzawl-a Municipal dina Master Plan siam an tum thu te, Kawngpui \ha, Industry, Godown, Cold Storage, Electricity leh tui hnianghnar nen Zawlpui Mat phai leh a chhhevel cheibawl an tum thu te, Hospital tihlen leh tih changtlun an tum thu te, Serchhip-a Football Academy din an tum thu leh thildang hrang hrangte pawh a tarlang a ni.
PRISM Party in Candidate puanna hun an buatsaih ah hian an party General Secretary, Lalrinzuala chuan an pawl dinchhan leh kalphung te sawiin, kum 2006-ah eiru do pawl anga an din thu leh nikum Nov. 13 khan Party anga an din tak thu a sawi a. Sawrkar inrelbawlna thlak an tum thu leh eizawnna siam zawnga hmalak an tum dan te pawh sawiin, PRISM Party in sawrkar-na an chang a nih chuan Ration Chini bakah Tel pawh sem an tum thu a sawi a, Ration buhfai pawh buk dik taka an sem dawn thu a sawi bawk.

Popular posts from this blog

PAN CARD an tih teh fo hi - Laldinpuia