YMA leh VC ten hri leng laka hmalak dan tur sawiho

/
Tunhnaia hri leng, Coronavirus avangin nimin chawhnu khan Serchhip khawpui chhunga Village Council leh Branch YMA te chuan mipuite himna tura hmalak dan tur hrang hrang ngaih-tuahin Meeting an nei.
Serchhip Sub-Hqrs. YMA Conference Hall-a he Meeting hi Ser-chhip Sub-Hqrs YMA President, R. Sanghming-thanga chuan kaihruaiin he hunah hian Serchhip CMO, Dr. Laldawngliana Sailo leh Serchhip District Hospital Medical Superintendent, Dr. ZD. Lalmuanawma te chuan he huna kal-khawmte hi Coronavirus leh COVID-19 chungchang an zirtir a, hei bakah hian he hri darh zel tur venna kawnga Serchhip District Level Task Force on Covid-19 hmalakna leh ruahmanna te pawh tarlan a ni bawk.
He hunah hian YMA Branch zawng zawngten Foreign leh India ram State dang atanga Serchhip District-a lolut zawng zawngte kim taka hriat an nih theihna tur leh a tul anga dah hran  Quarantine) an nih theihna tur atana hmalakna tur chungchangte, hetiang mi an lo awm a nih chuan an chanchin kimchang lakkhawm dan tur leh an hriselna dinhmun chiang taka hriat zui zel zel a nih theih an tur te sawiho a ni a, heng bakah hian he hri darh zel tur venna kawnga hmalak zui dan turte pawh an sawiho nghal bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »