Rubber Board hotu ten Mizoram Governor an kawm

Rubber Board-a Executive Director, Dr.K.N. Raghavan leh a thawhpuite chuan nimin khan Raj Bhavan-ah Governor, P.S. Sreedharan Pillai kawmin Mizoram chhunga Rubber chinna hmunhma zauh dan kawng sawiho a ni.
He an inkawmna ah hian Dr.K.N. Raghavan leh a thawpuite chuan India in Rubber a mamawh belh nasat thu te, tun dinhmunah rubber mamawh zat atanga a chanve chiah India ramah tharchhuah a nih thu leh Motor siamtu Industry te an thanlen chhoh zel avanga Rubber tam tham tak ram pawn atanga chawkluh mek a nih thu te an sawi a. Rubber mamawhna te phuhruk a nih theih nan India hmarchhak lam sawrkarin laipui chuan a rawn hawi thu te an sawi a. Rubber ching tharte tana hamthatna leh Rubber chin tan atanga a tirlam kum 7 chhung senso tumsak chungchang te pawh NABARD nena indawr mek a nih thu sawiin, Mizoram-ah pawh Rubber chin mek a nih thu te duh anga a tam tham loh thu te an sawi bawk.
Tun dinhmunah India rama Rubber tharchhuah 95% hi Kerala State in a tharchhuah a ni a, a bak hi Tripura leh State dang te tharchhuah a ni. Mizoram-ah chuan Rubber chin leh enkawl kawngah Land Resources, Soil & Water Conservation Department(LRS&WC) chu Nodal Department a ni a. LRS&WC kaihruaina hnuaiah Rubber hi chin mek niin Mizoram Rubber Planters Association (MIRPA) pawhin theihtawpin sawrkar hmalakna hi a thlawp mek bawk a ni. Tunah hian Mizoram-ah |helret huan nei mi 4207 awm mek nia ngaih a ni a. Heng |helret chingtute zinga mi 1300 vel chu MIRPA member an ni. MIRPA chhut dan chuan tunah hian |helret kung nuai 15 bawr vel a ding mek a; heng zinga kung nuai 2 chuang zet chu hnai rual an ni tawh a ni.

Comments

Chhiar Hlawhte