Latest News

Neihloh YMA in In sa mek hnatlang in an sakpui

Serchhip District chhunga awm, Neihloh khua-a In sa mek chhungkaw pathum te chu niminpiah khan an Branch YMA chuan hnatlang in In an sakpui.
Kumin kumtir-a Neihloh Branch YMA Kumthar Committee chuan kumin chhungin an khua ah chenna In sa an awm a nih chuan YMA ten nikhat tal hnatlang-a puih nise tiin an rel a, he an thurel bawhzuina atan hian niminpiah khan hnatlang neiin an khuaa chenna In sa mek chhung-kaw pathum (3) te chu an pui a, he hnatlang-ah hian mi 80 chuang thawkchhuakin hnatlang-a thawk te hi heng In hrang hrangah hian insemdarh in thawh ngai ang ang an thawhpui a ni. Neihloh YMA hruaitute chuan heng In sa mek an puih chhan hi YMA chu Tlawmngai Pawl, tanpui ngaite tanpuitu anih ang leh an khawtlang-ah Mizo nun zemawi, mamawh huna inpuitawn thin an nihna lantirna a nih thu an sawi a ni.

Comments

Popular News (Last 30 Days)