Latest News

Sawrkar in lawmthu sawi


Mizoram sawrkar chuan thuchhuah siamin sawrkar ruahmanna siam anga quaratine zawmtute chungah lawmthu a sawi.

COVID-19 vei thar an pung zel a. Khawvel ram tin deuh thaw a tuam chhuak ta. Mizoram erawh he natna lakah hian kan la him hram hram zel a. Kan him zel theihna turin Mizoram Sawrkar chuan theihtawpin hma a la a ni. Inbuatsaih lawkna hun emaw, sum neih lawk emaw awm lovin a rang thei ang berin sawrkar chuan hma a la a. Emergency meeting vawi tam koh niin kan dinhmun a zir zelin ruahmanna siam chawp leh thlak thut thut ngai a tam hle. Foreign ram chauh ni lo India ram hmun hrang hrangah he natna hi a darh tak avangin international leh inter state ramri kana Mizoram lo lut te chu Sawrkar siam quarantine facility-ah engemawzat dah an lo ngai ta a. Hei hi mipuite himna tura inven lawkna niin Quarantine Facility a dah an nih chhung hian he natna an kailo tih finfiah a nih hnuah chauh mahni chhungkuate nena infin phalsak an ni.
Hemi chungchangah hian Mizoram Sawrkar chuan mipuite hriatthiamna leh thlawpna a ngen a. Kan awmna hmun, dah hranna hmun, ei leh in leh inenkawl danah duhthusamin thil a tih theih vek loa. Amaherawhchu, hei hi Mizoram mipui kan him theih nana hmala an ni tih hrethiam a, hrehawm rih mahse tuar hram hram turin quarantine facility-a awm mekte leh an chhungte Mizoram Sawrkar chuan a ngen a, mipui himna tura hmalakna zawmtute zawng zawng chungah lawmthu a sawi a ni.

Comments

Popular News (Last 30 Days)