COVID-19 Medical Operational Team din rel

Health & Family Welfare Minister Dr. R.Lalthangliana chuan COVID-19 hrileng laka invenna tur ngaihtuahin Vawiin khan sawrkar Medical Officer te, Private Hospital aiawh Doctor te, Indian Medical Association- Mizoram Chapter aiawhte a pisa-ah meeting a neih pui.

He Meeting-ah hian Mizoram-ah vanduaithlak taka COVID-19 vei awm palha sawrkar Hospital, Kohhran Hospital leh Private Hospital ten thawhhona tha leh mumal an neih theih nan Health & Family Welfare Vice Chairman, Dr. ZR. Thiamsanga kaihruaiin COVID-19 Medical Operational Team din ni se an ti a, Government Notification pawh a rang thei ang bera chhuah nghal ni se, Operational Team-ah hian Information & Public Relations Officer pakhat ruat ni bawk se, tih an rel a ni. Operational Team hi team hnih- Medical Team leh ICU Team-a then ni se, team member chu a tul ang leh mamawh anga ruat ni se, tih rel a ni.
He Meeting-ah hian Personal Protective Equipments (PPE) 13,000 units chah a ni tih tarlan a ni a, PPE hi suit anga hak, taksa tuam tha tak a ni a. PPE hian Mizoram a lo thlen thuai theihnan a tul angin sawrkarin hma a la a, PPE hmang tur hian COVID-19 vei enkawl nana World Health Organization kaihhruaina zawm a ni ang.
COVID-19 vei enkawl nana khawvelin damdawi a hman- Chloroquine Phosphate, Hydroxychloroquinine, Azithromycin te mimalin mahni thu a lo ei lawk lo turin meeting hian mipuite a ngen a, COVID-19 vei enkawl nana damdawi te hi sawrkar neihsa bakah a tam thei ang ber lei belh (special procure) ni se tih rel a ni.
Hemi hnu hian Minister leh Health & Family Welfare Board Member ten meeting an nei leh a. COVID-19 Treatment, Quarantine, Isolation Centre atan Zoram Medical College (ZMC) tih pawm tlan a ni a, protocol procedure siamturin Health & Family Welfare Board Vice Chairman Dr. Z.R Thiamsanga kaihhruaina in siam tura rel a ni.

Comments

Chhiar Hlawhte