Covid-19 chungchanga hmalakna tur thlirho

Nimin khan Health Minister Dr. R. Lal-thangliana kaihhruaiin Health & Family Welfare Board Meeting chu Secretariat Conference Hall, MINECO-ah neih a ni.

Covid-19 chung-changa ngun taka Sawrkar hmalakna kawng hrang hrang ngaihtuah ngai a awm avanga he Meeting neih hian The Epidemic Diseases Act, 1897 (Act No. 3 of 1897) tlawhchhanin leh Chief Minister, Zoramthanga berawnin Vawiin, March 17, 2020 (Thawhlehni) atanga March 31, 2020 thleng University, College, School, Anganwadi leh Pre-School zawng zawng khar nise an ti a, Exam nei laklawh lai te erawh chu a ngaiin kal tura tih niin, thil awmdan a zirin heng zirna In hrang hrangte hawn hun tur chu rel leh tur a ni ang.

Hei bakah hian mi hrang hrang kal-khawmna hmun - Gym, Picnic Spot, Cinema Hall leh Swimming Pool te pawh naktuk atanga tun thla ni 31 thleng khar tura rel niin sawrkar District Hospital hrang hrang leh Private leh Kohhran enkawl Hospital zawng zawngah mipui punkhawm khap mek chu chhunzawm zel nise an ti a, puipunna hnaivaia awmlo turin leh puipunna a kallo tura mipuite ngenna siam ni se an ti a. Residential Institution leh Home hrang hrang te pawh pawnlam atanga tlawh phalloh nise an ti a. Heng ah te hian Admission mamawh an awm a nih chuan Medical Screening uluk taka neih hnu ah chauh admit thin tur an ni ang.

He Meeting-ah hian Board Member te bakah sawrkar Department dang aiawhte pawh sawm belh an ni bawk.