Latest News

Khawtlang pawhin hma la

Tunhnaia hri leng avangin Serchhip khawpui chhunga Village Council leh YMA te chuan mipuite himna turin kawng hrang hrangin hma an la mek.
Serchhip khawpui chhunga Village Council leh YMA Branch hrang hrangte chuan sawrkar in hma la tura a ngen leh beisei angin tunlaia hri leng mek, Coronavirus avanga harsatna kan tawh lohna turin hma an la mek a, hmalakna langsar zingah In tin lut lawr-a thil zawrh te khap niin hetiang natna vei nia rinhlelh te chu khaw-tlang hruaitute emaw, Health Department hotute hnenah emaw hriattir turin an ngen a. State pawn leh rampawn atanga rawn haw te chu ni 14 tal inkhung hrang tur leh pawn-a chhuak tam lo tura ngenin, naupang leh kum upa lam te chu thil pawimawh bik a nih loh chuan lengchhuak tam lo turin an in ngen a ni.
Heng bakah hian Sawrkar in mipuite leh pawl hrang hrang a ngen angin puipunna hun huai-hawt lo tura ngenin, he harsatna denchhena thil zuartu te chu an thil zawrhna man ti to lut turin an ngen bakah, harsatna nei te chuan YMA hruaitute emaw, khawtlang hruaitute emaw, sawrkar hotute hnenah emaw hriattir vat turin an ngen bawk a ni.

Comments

Popular News (Last 30 Days)